قر پارلامەنتٸ مەجٸلٸسٸنٸڭ جالپى وتىرىسىندا «يادرولىق قارۋعا تىيىم سالۋ تۋرالى شارتتى راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى قازاقپارات تٸلشٸسٸ.
«شارت بۇرىن تىيىم سالىنباعان جاپپاي قىرىپ-جويۋ قارۋلارىنىڭ سوڭعى تٷرٸ - يادرولىق قارۋعا زاڭدى تۇرعىدا تىيىم سالاتىن تاريحتاعى العاشقى حالىقارالىق قۇجات بولىپ سانالادى. ٶز كەزەگٸندە يادرولىق قارۋعا زاڭدى تۇرعىدا تىيىم سالۋ - يادرولىق قارۋدىڭ تولىق جويىلۋى ٷشٸن قاجەتتٸ العاشقى قادام رەتٸندە قاستىرىلىپ وتىر. شارت يادرولىق قارۋ نەمەسە يادرولىق جارىلعىش قۇرىلعىنى ٶندٸرۋ, سىناۋ, ساتىپ الۋ, بەرۋ, ساقتاۋ جەنە ٶز اۋماعىندا ورنالاستىرۋعا تٸكٸلەي تىيىم سالادى. سونىمەن قاتار, شارتتىڭ ەرەجەلەرٸنە سەيكەس, يادرولىق قارۋدى پايدالانۋعا ەرٸ قولدانۋ تۇرعىسىنان قورقىتۋعا تىيىم سالىنعان», - دەدٸ قر سىرتقى ٸستەر مينيسترٸنٸڭ ورىنباسارى ەرجان اشىقباەۆ.
ونىڭ سٶزٸنە قاراعاندا, اتالعان شارت 2017 جىلعى 20 قىركٷيەكتەن باستاپ نيۋ-يوركتەگٸ بۇۇ باس اسسامبلەياسىنىڭ 72-سەسسيياسى اياسىندا قول قويىلۋى ٷشٸن اشىلدى.
سونىمەن قاتار, 50 مەملەكەت راتيفيكاتسييالاعاننان كەيٸن كٷشٸنە ەنەتٸن بولادى. قازٸرگٸ ۋاقىتتا شارتقا 70 مەملەكەت قول قويدى, 23 مەملەكەت راتيفيكاتسييالادى. باعامدار بويىنشا شارتتىڭ كٷشٸنە ەنۋٸ 4-5 جىلعا سوزىلۋى مٷمكٸن.
«ەلباسى نۇرسۇلتان نازارباەۆتىڭ 2045 جىلعا قاراي يادرولىق قارۋسىز ەلەم قۇرۋ يدەياسى سٶزسٸز قازاقستاننىڭ باستى سىرتقى ساياسي باستامالارىنىڭ بٸرٸ بولىپ سانالادى. شارتتىڭ تەز ارادا كٷشٸنە ەنۋٸنە جەردەمدەسۋ - بۇل جوعارى مٸندەتكە قول جەتكٸزۋدٸڭ ماڭىزدى ەلەمەنتتەرٸنٸڭ بٸرٸ. قۇجاتتى قابىلداۋ يادرولىق قارۋسىزدانۋ ٷردٸسٸندە كٶپتەگەن جىلدارعا سوزىلعان توقىراۋعا جەنە يادرولىق دەرجاۆالاردىڭ بۇل مەسەلە بويىنشا ورتاق پەتۋا تابا الماۋىنا جاۋاپ رەتٸندە, ياعني يادرولىق ەمەس مەملەكەتتەر تاراپىنان قابىلدانعان مەجبٷرلٸ شارا رەتٸندە قاراستىرىلۋدا. سوڭعى ەكٸ ونجىلدىقتا يادرولىق قارۋسىزدانۋ سالاسىندا ايتارلىقتاي پروگرەستٸڭ جوقتىعى بايقالىپ وتىر. يادرولىق سىناقتاردىڭ توقتاتىلۋىنا قاراماستان, قارۋ-جاراقتىڭ جاڭا تٷرلەرٸن شىعارۋ جەنە ولاردى جەتكٸزۋ قۇرالدارىن جەتٸلدٸرۋ مەسەلەسٸ ەلٸ ٶزەكتٸ. بۇل ٶز كەزەگٸندە يادرولىق قارۋدى تاراتپاۋ تۋرالى شارتتىڭ 6-شى بابىنا قايشى كەلەدٸ», - دەدٸ مينيستردٸڭ ورىنباسارى.
«سەمەي سىناق پوليگونىن جابۋ تۋرالى ەلباسىنىڭ تاريحي شەشٸمٸ قازاقستان حالقىنىڭ كەڭ قولداۋىنا يە. شارتتى راتيفيكاتسييالاۋ قازاقستاننىڭ يادرولىق قارۋسىزدانۋ سالاسىنداعى باستامالارىمەن تولىقتاي سەيكەس كەلەدٸ. وسى زاڭ جوباسىن قابىلداۋ رەسپۋبليكالىق جەنە جەرگٸلٸكتٸ بيۋدجەتتەردەن قوسىمشا قاراجات بٶلۋدٸ تالاپ ەتپەيدٸ», - دەدٸ ەرجان اشىقباەۆ.
