قر پارلامەنتٸ مەجٸلٸسٸنٸڭ دەپۋتاتتارى ەۋرازييا ەكونوميكالىق وداعى كەدەن كودەكسٸنٸڭ شارتىن راتيفيكاتسييالاۋدى ماقۇلدادى, دەپ حابارلايدى "ۇلت اقپارات".
مەجٸلٸستٸڭ ەكونوميكالىق رەفورما جەنە ٶڭٸرلٸك دامۋ كوميتەتٸنٸڭ قورىتىندىسىنا سەيكەس, شارتقا وسى جىلدىڭ 11 سەۋٸرٸندە مەسكەۋدە جوعارى ەۋرازييالىق ەكونوميكالىق كەڭەس وتىرىسىندا قول قويىلدى. راتيفيكاتسييانىڭ نەگٸزگٸ ماقساتى – ەۋرازييالىق ەكونوميكالىق وداقتا بٸرىڭعاي كەدەندٸك رەتتەۋدٸ قامتاماسىز ەتۋ.
ۇلتتىق ەكونوميكا مينيسترٸ تيمۋر سٷلەيمەنوۆتٸڭ ايتۋىنشا, ەاەو كەدەن كودەكسٸنە ەنگٸزٸلگەن نەگٸزگٸ قوسىمشالاردىڭ قاتارىنا كەدەندەگٸ بيزنەس-پروتسەستەردٸ اۆتوماتتاندىرۋ جاتادى.
"ەلەكتروندى دەكلاراتسييالاۋ باسىمدىعى ەنگٸزٸلەدٸ. ياعني, دەكلاراتسييالاۋ ەلەكتروندى تٷردە جٷزەگە اسادى دەگەن سٶز. قانداي دا بٸر راستاۋشى قۇجاتتى قوسۋدىڭ قاجەتٸ جوق. قاجەتتٸ مەلٸمەتتەردٸڭ بەرٸ دەكلاراتسييانىڭ ٶزٸندە كٶرسەتٸلەدٸ. تەك جەكەلەگەن جاعدايلاردا عانا, مەسەلەن تەحنيكالىق اقاۋ بولعان كەزدە, دەكلاراتسييا قاعاز جٷزٸندە جٷرگٸزٸلەدٸ", — دەدٸ مەجٸلٸستە زاڭ جوباسىن تانىستىرعان سٷلەيمەنوۆ.
بۇعان قوسا, "بٸرىڭعاي تەرەزە" تەتٸگٸن پايدالانۋ مٷمكٸندٸگٸ زاڭدى تٷردە بەكٸتٸلدٸ. ەندٸ كەدەن ورگاندارى دەكلارانتتان قۇجات سۇراتپايدى, ولار ونى مەملەكەتتٸك ورگانداردىڭ اقپاراتتىق جٷيەسٸنەن ٶزدەرٸ الا الادى.
"وسى ەكٸ تارماق تاۋارلاردى اۆتوماتتى تٷردە شىعارۋدى ٸسكە اسىرۋعا مٷمكٸندٸك بەرەدٸ. ياعني, كەدەن ورگاندارىنىڭ اقپاراتتىق جٷيەسٸ, ەگەر قانداي دا بٸر زاڭبۇزۋشىلىق انىقتالماسا, لاۋازىمدى تۇلعالاردىڭ قاتىسۋىنسىز دەكلاراتسييا شىعارادى. اتالعان نورمالار دەكلاراتسييالاۋ پروتسەسٸن جەڭٸلدەتٸپ, جەمقورلىق تەۋەكەلٸن ازايتادى", — دەدٸ مينيستر.
سونداي-اق, سىرتقى ەكونوميكا قىزمەتٸنٸڭ قاتىسۋشىلارىنا ٶز شىعىندارىن وڭايلاتۋ, مەسەلەن, كەدەندٸك باج بەن سالىق بويىنشا تٶلەم مەرزٸمٸن ۇزارتۋ مٷمكٸندٸكتەرٸ پايدا بولدى. ەگەر قانداي دا بٸر سەبەپپەن دەكلارانت كەدەندٸك باج بويىنشا بيۋدجەتپەن ەسەپ ايىرىسا الماسا, وندا مەملەكەت وعان پايىزدى قوسا تٶلەۋمەن بٸر ايعا تٶلەم مەرزٸمٸن ۇزارتۋ مٷمكٸندٸگٸن ۇسىنادى.
جەكەلەگەن جاعدايلاردا پايىز تٶلەمٸنسٸز التى ايعا دەيٸن بٶلٸپ تٶلەۋ مٷمكٸندٸگٸ بەرٸلەدٸ. بۇل, مەسەلەن, حالىقارالىق شارتتار اياسىندا تاۋار جەتكٸزۋدٸ جٷزەگە اسىرعاندا, اۋىل شارۋاشىلىعى تەحنيكالارىن, ەگٸس ماتەريالدارىن, اسىل تۇقىمدى مالداردى ەكەلگەندە, تابيعي نەمەسە تەحنولوگييالىق اپات سالدارىنان تٶلەۋشٸگە شىعىن كەلگەندە جٷزەگە اسادى.
