قازاقستانعا تسەمەنت-بەتوندى تٶسەمٸ بار جولدار قاجەت ەمەس. قر يندۋسترييا جەنە ينفراقۇرىلىمدىق دامۋ مينيسترٸ جەڭٸس قاسىمبەكتٸڭ اتىنا ساۋال جولداعان مەجٸلٸس دەپۋتاتى كەڭەس ەبساتىروۆ وسىنداي مەسەلە كٶتەردٸ, دەپ حابارلايدى "ۇلت اقپارات".
«ەۋروپادا بەتوندى تٶسەم بٸرشاما جايلى بولۋى مٷمكٸن. الايدا, كٷرت قۇرلىقتىق كليماتى بار قازاقستان ٷشٸن مۇنداي ەرەكشەلٸگٸ بار جاڭا جولدار كٶپتەگەن ادام ٶلٸمٸنە ەكەپ سوقتىراتىن جول-كٶلٸك اپاتتارىنا ەكەلەدٸ. بەتوندى تٶسەمٸ بار جوعارى جىلدامدىقتى مۇنداي جولدارداعى كٶكتايعاق سالدارىنان استانا-ششۋچە, استانا-قاراعاندى, الماتى-قاپشاعاي سىندى جاڭا اۆتوموبيل جولدارىندا كٶلٸك اپاتتارى تۇراقتى ورىن الىپ وتىرادى», - دەدٸ ەبساتىروۆ.
ونىڭ اتاپ ٶتۋٸنشە, مۇنداي اۆتوماگيسترالداردى كٷزگٸ-قىسقى ماۋسىمدا پايدالانۋدىڭ ەلەۋلٸ كەمشٸلٸگٸ انىقتالدى.
مەسەلەن, ايازدىڭ تٷسۋٸمەن بەتوندى تٶسەم مۇز ايدىنىنا اينالادى. ەستەرٸڭٸزگە سالساق, وسىدان بٸر جىل بۇرىن «اق جول» فراكتسيياسىنىڭ دەپۋتاتتارى دا بۇل مەسەلەنٸ كٶتەرٸپ, اۆتوموبيل جولدارى ستاندارتىن قايتا قاراۋدى ۇسىنعان ەدٸ. دەپۋتاتتاردىڭ ساۋالىنا جاۋاپ بەرگەن مينيسترلٸك تسەمەنت-بەتوندى تٶسەمنٸڭ كٶكتەمگٸ-كٷزگٸ جەنە قىسقى ماۋسىمداردا وڭتٷستٸكتە دە, سولتٷستٸك ٶڭٸردە دە پروبلەما تۋىنداتاتىنىن مويىنداعان بولاتىن. بۇل كەمشٸلٸكتٸ جويۋ ٷشٸن جولدىڭ تايقاقتىعىن جوياتىن ارنايى قوسپا ەزٸرلەۋ ٷشٸن عىلىمي-زەرتتەۋ جۇمىستارىنىڭ باستالعانىن دا مەلٸمدەگەن-دٸ. بٸراق, سودان بەرٸ بٸر جىل ٶتسە دە مەسەلە سول كٷيٸندە قالىپ وتىر.
