Qazaqstanǵa tsement-betondy tósemi bar joldar qajet emes. QR Indýstriia jáne infraqurylymdyq damý ministri Jeńis Qasymbektiń atyna saýal joldaǵan Májilis depýtaty Keńes Ábsatyrov osyndai másele kóterdi, dep habarlaidy "Ult aqparat".
«Eýropada betondy tósem birshama jaily bolýy múmkin. Alaida, kúrt qurlyqtyq klimaty bar Qazaqstan úshin mundai ereksheligi bar jańa joldar kóptegen adam ólimine ákep soqtyratyn jol-kólik apattaryna ákeledi. Betondy tósemi bar joǵary jyldamdyqty mundai joldardaǵy kóktaiǵaq saldarynan Astana-Shýche, Astana-Qaraǵandy, Almaty-Qapshaǵai syndy jańa avtomobil joldarynda kólik apattary turaqty oryn alyp otyrady», - dedi Ábsatyrov.
Onyń atap ótýinshe, mundai avtomagistraldardy kúzgi-qysqy maýsymda paidalanýdyń eleýli kemshiligi anyqtaldy.
Máselen, aiazdyń túsýimen betondy tósem muz aidynyna ainalady. Esterińizge salsaq, osydan bir jyl buryn «Aq jol» fraktsiiasynyń depýtattary da bul máseleni kóterip, avtomobil joldary standartyn qaita qaraýdy usynǵan edi. Depýtattardyń saýalyna jaýap bergen ministrlik tsement-betondy tósemniń kóktemgi-kúzgi jáne qysqy maýsymdarda ońtústikte de, soltústik óńirde de problema týyndatatynyn moiyndaǵan bolatyn. Bul kemshilikti joiý úshin joldyń taiqaqtyǵyn joiatyn arnaiy qospa ázirleý úshin ǵylymi-zertteý jumystarynyń bastalǵanyn da málimdegen-di. Biraq, sodan beri bir jyl ótse de másele sol kúiinde qalyp otyr.
