پارلامەنت مەجٸلٸسٸنٸڭ دەپۋتاتتارى كيٸكتەردٸ قورعاۋ بويىنشا مٸندەتٸن ورىنداۋ بارىسىندا قازا تاپقان ينسپەكتور ەرلان نۇرعاليەۆكە «حالىق قاھارمانى» اتاعىن بەرۋدٸ ۇسىندى, دەپ حابارلايدى "ۇلت اقپارات".
«13 قاڭتار كٷنٸ قاراعاندى وبلىسىنىڭ نۇرا اۋدانىندا مەملەكەتتٸك قورىق اۋماعىندا زاڭسىز كيٸك اتقان براكونەر-قاراقشىلاردىڭ قولىنان قورىقشى ەرلان نۇرعاليەۆ قازا تاپتى. بۇل وقيعا بٷكٸل قازاقستان قوعامىن دٷر سٸلكٸنتٸپ, باق-تا, ەلەۋمەتتٸك جەلٸلەردە كەڭٸنەن جارييالانىپ, قىزۋ تالقىلانۋدا. وسى جاعداي قوعامداعى بٸرنەشە پروبلەمالاردىڭ باسىن اشتى. عاسىرلار بويى سايىن دالامىزدا حالقىمىزبەن بٸرگە ٶسٸپ-ٶنگەن, تٶرت تٷلٸگٸمٸزدەي بولعان اسىل قازىنامىزدىڭ بٸرٸ - كيٸكتەردٸ قاندى قول قاراقشى-براكونەرلەردەن ەلٸ كٷنگە دەيٸن قورعاي الماي وتىرعانىمىز قالىڭ جۇرتقا جارييا بولدى. جانۋارلاردى مٷيٸزٸ ٷشٸن قىناداي قىرعان براكونەرلٸك-قاراقشىلىق تىيىلماي تۇر. وعان قوسا سوڭعى جىلدارى ورىن العان تابيعي اپاتتار - كيٸكتەردٸڭ قىرىلۋى قازاقستانداعى كيٸكتەردٸڭ جەر بەتٸنەن مٷلدە جويىلىپ كەتۋٸنە ۇلاسۋى مٷمكٸن دەگەن قاۋٸپكە نەگٸز بولىپ وتىر», - دەپ توقتالدى دەپۋتات جامبىل احمەتبەكوۆ پارلامەنت مەجٸلٸسٸنٸڭ جالپى وتىرىسىندا پرەمەر-مينيستردٸڭ اتىنا جولداعان ساۋالدا.
ونىڭ سٶزٸنە قاراعاندا, 2018 جىلى قورىقشىلارعا شابۋىل جاساۋدىڭ 4 فاكتٸسٸ تٸركەلٸپتٸ. قورىقشىلىق جۇمىستىڭ قاۋٸپتٸلٸگٸنە بايلانىستى مامان از, جالاقىسى تٶمەن - 50-70 مىڭ تەڭگە كٶلەمٸندە. قارۋلى قاراقشىلاردى ۇستاۋ كەزٸندە قارۋ قولدانعان قورىقشىلاردىڭ ٶزدەرٸ جاۋاپقا تارتىلعان جاعدايلار كەزدەسەدٸ, ياعني قورىقشىلار زاڭمەن دە جەتكٸلٸكتٸ دەرەجەدە قورعالماعان.
«قورىقشى ەرلان نۇرعاليەۆتىڭ قازاسى قوعامنىڭ بٸتەۋ جاراسىنداي بولىپ سىزداپ جاتقان وسىنداي پروبلەمالارىن اشىپ, جارييا ەتتٸ. ٶمٸرٸنٸڭ سوڭىنا دەيٸن انتىنا ادال بولىپ, مەملەكەتتٸك قىزمەت كەزٸندە شەيٸت كەتكەن ارىسىمىز ەرلاندى بٷكٸل قوعام, جۇرتشىلىق بولىپ جوعارى مەملەكەتتٸك ناگراداعا ۇسىنۋدا. تٸپتٸ ەرٸكتٸلەر قاھارمان ۇلدى مەڭگٸ ەستە قالدىرۋ ٷشٸن ونىڭ دالا ەركەسٸ قۇرالايدى قۇشاقتاپ تۇرعان سۋرەتٸنٸڭ نەگٸزٸندە ەسكەرتكٸش تۇرعىزۋ ٷشٸن قارجى جيناۋدى باستاپ تا كەتتٸ. مۇنىڭ بەرٸ حالىقتىڭ قاھارمان ۇلىنىڭ ەرلٸگٸن جوعارى باعالايتىنىن كٶرسەتەدٸ. قاراقشىلارمەن شايقاستا باتىرلىق كٶرسەتكەن ەرلاننىڭ سەرٸگٸ پ.ا.نيتسىك تە مەملەكەتتٸك ماراپاتقا لايىق دەپ ەسەپتەيمٸز. مەجٸلٸستەگٸ «حالىق كوممۋنيستەرٸ» فراكتسيياسىنىڭ مٷشەلەرٸ, جۇرتشىلىقتىڭ پٸكٸرٸنە قولداۋ بٸلدٸرە وتىرىپ, ٶز ٶمٸرٸن تۋعان جەرٸ مەن تۋعان تابيعاتىن قورعاۋ كەزٸندە قاندى قول قاراقشىلاردىڭ قولىنان قازا تاپقان ەرلان نۇرعاليەۆكە «حالىق قاھارمانى» اتاعىن بەرۋدٸ ۇسىنادى جەنە ونىڭ ەسٸمٸن مەڭگٸ ەستە قالدىرۋ بويىنشا تيٸستٸ شارالار قابىلداۋدى سۇرايمىز. مارقۇم ەرلان نۇرعاليەۆ سىن ساعاتتا, سوڭعى دەمٸ ٷزٸلگەنشە انتىنا ادال كٷيٸندە قالدى. ەرلاننىڭ ٶمٸرٸ ٶسكەلەڭ ۇرپاق ٷشٸن جارقىن ٷلگٸ», - دەدٸ جامبىل احمەتبەكوۆ.
