قازاقستاننىڭ حالىق ەرتٸسٸ ماقپال جٷنٸسوۆا قر پرەزيدەنتٸ ٸس باسقارماسى مەديتسينالىق ورتالىعىنىڭ ۇلتتىق گوسپيتالٸندەگٸ تٸركەۋدەن شىعۋعا نيەتتٸ ەكەنٸن ايتتى. ەنشٸ مەديتسينالىق مەكەمە قىزمەتكەرلەرٸنٸڭ قايتا-قايتا حابارلاسىپ, تەكسەرۋدەن ٶتۋگە شاقىراتىنىنا قاتىستى پٸكٸر بٸلدٸردٸ, دەپ حابارلايدى ult.kz.

ٶنەر يەسٸنٸڭ سٶزٸنشە, حالىق اراسىندا “سوۆمين” دەگەن اتاۋمەن بەلگٸلٸ مەديتسينالىق مەكەمەگە ول 1994 جىلدان بەرٸ تٸركەلگەن. مۇندا حالىق ەرتٸستەرٸ مەن ەڭبەك سٸڭٸرگەن ەرتٸستەر دە مەديتسينالىق قىزمەت الا الادى.

الايدا ماقپال جٷنٸسوۆا وسى ۋاقىتقا دەيٸن گوسپيتال ۇسىناتىن كەيبٸر جەڭٸلدٸكتەردەن بەيحابار بولعانىن جەتكٸزدٸ. اتاپ ايتقاندا, ەنشٸ جىل سايىن ساناتورييگە تەگٸن جولداما الۋ مٷمكٸندٸگٸ بار ەكەنٸن جاقىندا عانا بٸلگەن.

“جىل سايىن ساناتورييلەرگە تەگٸن جولداما بەرٸلەتٸنٸن ەندٸ بٸلدٸم. بٸز دە بارۋىمىز كەرەك ەكەن. بٸراق وسى ۋاقىتقا دەيٸن ونىڭ بٸرەۋٸن دە پايدالانعان ەمەسپٸن. نەگە ماعان ايتپاعان دەپ تاڭعالدىم”, – دەدٸ ول.

ەنشٸنٸڭ ايتۋىنشا, بٷگٸندە ول دەنساۋلىعىن تەكسەرتۋ ٷشٸن مەملەكەتتٸك گوسپيتالعا بارمايدى. قاجەتتٸ مەديتسينالىق تالداۋلاردى ٷيٸنٸڭ ماڭىنداعى جەكە كلينيكالاردا تاپسىرادى. ال كٷردەلٸ ەم قاجەت بولعان جاعدايدا كورەيا نەمەسە تٷركيياداعى مەديتسينالىق مەكەمەلەرگە جٷگٸنەتٸنٸن جاسىرمادى.

سوعان قاراماستان ۇلتتىق گوسپيتال قىزمەتكەرلەرٸ وعان تۇراقتى تٷردە حابارلاسىپ, جوسپارلى مەديتسينالىق تەكسەرۋدەن ٶتۋ قاجەتتٸگٸن ەسكەرتٸپ وتىرادى ەكەن. بۇل جاعداي ەنشٸنٸڭ كٶڭٸلٸنەن شىقپاعان.

“دەنٸمٸز ساۋ, شاۋىپ جٷرمٸز. كٷندە جۇمىس, گاسترول, كونتسەرت بار. “سوۆميننٸڭ” قىزمەتكەرلەرٸ قايتا-قايتا قوڭىراۋ شالىپ, اناليز تاپسىرىپ, تەكسەرۋدەن ٶتۋ كەرەكتٸگٸن ايتادى. “قىزدار, دەنٸم ساۋ, قۇداي اۋىرتپاسىن, بەرٸ دۇرىس” دەسەم, “كەلمەسەڭٸز, تٸركەۋدەن شىعارامىز” دەيدٸ. مەن دە شىعارا بەرٸڭدەر دەدٸم”, – دەپ تٷسٸندٸردٸ حالىق ەرتٸسٸ.

ايتا كەتەيٸك, ديزاينەر نازىم قارپىقوۆا ماقپال جٷنٸسوۆانىڭ سىنىنا جاۋاپ بەردٸ. 

https://ult.kz/kz/post/dizainer-nazym-qarpyqova-maqpal-zunisovanyn-synyna-zauap-berdi

ماقپال جٷنٸسوۆا كٸم?

ماقپال جٷنٸسوۆا – قازاق ەستراداسىنىڭ كٶرنەكتٸ ٶكٸلدەرٸنٸڭ بٸرٸ, قازاقستاننىڭ حالىق ەرتٸسٸ. ول ۇلتتىق ەن ٶنەرٸن دامىتۋعا جەنە قازاق مۋزىكاسىن كەڭٸنەن ناسيحاتتاۋعا ەلەۋلٸ ٷلەس قوسقان ٶنەر يەسٸ.

ماقپال مۇحامەدييارقىزى جٷنٸسوۆا 1964 جىلى 11 قاڭتاردا قاراعاندى وبلىسىندا دٷنيەگە كەلگەن. بالا كەزٸنەن ەنگە جاقىن بولىپ, كەيٸن كەسٸبي مۋزىكالىق بٸلٸم الدى. ٶنەر جولىندا حالىق ەندەرٸن, قازاق كومپوزيتورلارىنىڭ تۋىندىلارىن جەنە ەسترادالىق شىعارمالاردى ورىنداپ, كٶپشٸلٸككە تانىلدى.

شىعارماشىلىق مانسابىن “گٷلدەر” انسامبلٸندە باستاپ, كەيٸن “قازاقكونتسەرت” بٸرلەستٸگٸندە ەڭبەك ەتتٸ. “عاشىق جٷرەك”, “قىز عۇمىر”, “فاريزا قىز”, “قوشتاسۋ”, “اققۋ سازى” سەكٸلدٸ ەندەرٸ ارقىلى تىڭدارمان ىقىلاسىنا بٶلەندٸ. 1994 جىلى قازاقستاننىڭ حالىق ەرتٸسٸ اتاعىن الىپ, 1999 جىلى مەملەكەتتٸك سىيلىقتىڭ لاۋرەاتى اتاندى. ەنشٸ حالىقارالىق بايقاۋلاردا دا بٸرنەشە مەرتە جٷلدەگەر بولدى.

ماقپال جٷنٸسوۆا 2026 جىلعى مامىردا II دەرەجەلٸ “بارىس” وردەنٸمەن ماراپاتتالدى. ول بٷگٸندە دە كونتسەرتتەرگە قاتىسىپ, شىعارماشىلىق قىزمەتٸن جالعاستىرىپ كەلەدٸ.