قازاقستاننىڭ ەڭبەك سٸڭٸرگەن ەرتٸسٸ مايرا ٸليياسوۆ قازاقستان حالقىن كارانتين شارالارىن ساقتاۋعا شاقىردى, دەپ حابارلايدى قازاقپارات.
«قىمباتتى اعايىن, قازاقستان حالقى! قازٸرگٸ كەزدە كوروناۆيرۋستىڭ ٶرشۋٸنە بايلانىستى كارانتين شارالارى قاتاڭداتىلعانىمەن, تۇرعىندارىمىزدىڭ قاۋٸپسٸزدٸكتٸ ساقتاماۋى سالدارىنان ادام ٶمٸرٸنە قاۋٸپتٸ جاعدايلار جيٸ كەزدەسٸپ جاتىر. بٷگٸندە شىعىس قازاقستان, سولتٷستٸك قازاقستان وبلىستارىندا كوروناۆيرۋسپەن اۋىرعان ادام سانى كٶپتەپ انىقتالىپ جاتىر. سوندىقتان سٸزدەردەن كارانتين شارالارىن ساقتاۋلارىڭىزدى ٶتٸنٸپ سۇرايمىز. ماسكا كيٸپ, قولدى جيٸ جۋىپ تۇرۋ كەرەك. قولدى سابىنمەن 30-40 سەكۋند جاقسىلاپ جۋسا دا ارتىق ەتپەيدٸ. ٶزدەرٸڭٸزبەن بٸرگە ٷنەمٸ سانيتايزەر الىپ جٷرٸڭٸزدەر. ونىمەن قولدى ٷنەمٸ تازالاپ وتىرعان جٶن. مٷمكٸندٸگٸنە ادامدار كٶپ جينالاتىن جەرگە بارماعان ابزال. توي-تومالاق جاساۋدى دا دوعارى تۇرعانىمىز دۇرىس بولار ەدٸ», - دەدٸ «قۇرمەت», «پاراسات» وردەندەرٸنٸڭ يەگەرٸ.
سونىمەن قاتار قر ەڭبەك سٸڭٸرگەن ەرتٸسٸ اعايىن-تۋىسىمىزعا, بالالارىمىزعا, جاستارىمىزعا كوروناۆيرۋس قاۋپٸن تٷسٸندٸرٸپ وتىرۋىمىز كەرەكتٸگٸن باسا ايتادى.
«بٸز سٸزدەرمەن بٸرگەمٸز. ٶنەر ادامدارى ٶزدەرٸڭٸزدٸ جاقسى كٶرەدٸ. ەلٸمٸز امان, جۇرتىمىز تىنىش بولسىن! اماندىقتا جولىعايىق, امان بولىڭىزدار!», - دەيدٸ مايرا ٸليياسوۆا.
