فوتو: تجم
مايقايىڭ كەنٸشٸندە قۇلاعان اۆتوبۋستا قالعان ەكٸ ادامنىڭ تۋىستارى كٶمەك سۇراپ استاناعا كەلدٸ, دەپ حابارلايدى «ۇلت اقپارات» كتك-عا سٸلتەمە جاساپ.
اپاتتىڭ بولعانىنا ٷش ايعا جۋىقتاسا دا, قۇتقارۋشى مەن اۆتوبۋس جٷرگٸزۋشٸسٸنٸڭ مەيٸتٸ ەلٸ تابىلعان جوق. ال ٸزدەۋ جۇمىستارى توقتاپ تۇر.
مارقۇمنىڭ جاقىندارى قۇتقارۋ جۇمىستارىن جالعاستىرۋدى تالاپ ەتۋدە. پاۆلودار وبلىسىنىڭ ەكٸمدٸگٸ مەن جەرگٸلٸكتٸ پروكۋراتۋرادان كٷدەر ٷزگەن ولار ەندٸ جاعدايعا پرەزيدەنتتٸڭ ارالاسۋىن سۇراپ وتىر.
قۇتقارۋشى ايدوس شەيمەردەننٸڭ ەيەلٸ استاناعا شيەتتەي بالا-شاعاسىن ەرتٸپ كەلگەن. "اسىراۋشىمنان ايىرىلدىم, بەس بالامدى ەندٸ كٸم اسىرايدى" دەپ كٶز جاسىنا ەرٸك بەردٸ. "جۇبايىمنىڭ مەيٸتٸن تاۋىپ بەرسە, عۇرىپقا ساي جەرلەسەك" دەيدٸ. پاۆلوداردا ٸزدەۋ جۇمىستارىن جالعاستىرۋدى سۇراپ, ەكٸمدٸك پەن پروكۋراتۋرانىڭ تابالدىرىعىن توزدىرعان نۇرسۇلۋ ەش شارا قالماعان سوڭ, ٷكٸمەتتەن, باس پروكۋراتۋرادان كٶمەك سۇراپ وتىر.
"بٸزدٸ ەستيتٸن پەندە جوق. كٸشكەنتاي بالالارىمدى الىپ استانانىڭ تٶرٸنە كەلٸپ وتىرمىن, الىپ بەرسە ەكەن, شىعارىپ بەرسە ەكەن دەيمٸن. تٸرٸ ەمەس ەكەنٸنە كٶندٸك قوي, تٸرٸ دەيٸن دەسەم, ٷيدە جوق, ٶلٸ دەيٸن دەسەم, بەيٸت باسى جوق", - دەيدٸ نۇرسۇلۋ شەيمەردەن.
توپىراق استىندا قالعان ەكٸ ادام ەلٸ كٷنگە شەيٸن اپاتتان قۇتقارۋ قىزمەتٸنٸڭ جۇمىسشىلارى رەتٸندە ەسەپتەلٸپ, ولارعا اي سايىن جالاقى تٶلەنٸپ وتىر ەكەن. مەيٸت تابىلماعاندىقتان, قايتىس بولعانى تۋرالى كۋەلٸك تە جوق. سول سەبەپتٸ ەكٸ وتباسىعا ٶتەماقى تٶلەنبەگەن, اسىراۋشىسىنان ايىرىلعانىن وتباسى رەتٸندە جەردەماقى دا الا المايدى. اۆتوبۋس جٷرگٸزۋشٸسٸ ايىپ تٸلەۋبەرگەنوۆتٸڭ جاقىندارى ٸستٸڭ سوزىلىپ كەتكەنٸنە نارازى.
"تٶرت كٸسٸنٸڭ ٶلٸمٸنە كومبينات جاۋاپ بەرگٸسٸ كەلمەي, اعامىزدىڭ جۇمىس ورنى, قۇتقارۋشىلارمەن سوتتاسايىن دەپ جاتىر, سولاردى كٸنەلٸ قىلعىسى كەلٸپ جاتىر. جەر سولاردٸكٸ, ويىلىپ كەتكەن جەر سولاردىڭ قاتەلٸكتەرٸنەن, سالعىرتتىعىنان بولدى, ونى مويىنداعىسى كەلٸپ تۇرعان جوق. "بٸزدٸڭ كٸنەمٸز جوق" دەپ وتىر", - دەيدٸ اۆتوبۋس جٷرگٸزۋشٸسٸنٸڭ تۋىسى امانگەلدٸ تٸلەۋبەرگەنوۆ.
ٸزدەۋ جۇمىستارى قاشان جانداناتىنىن تٶتەنشە جاعدايلار مينيسترلٸگٸ دە ايتا المادى. قازبا جۇمىسىنىڭ توقتاعانىنا بٸر اي ٶتسە دە, ساراپتاما جاسالماعان.
"ەكٸ جاق ساراپتاما جٷرگٸزٸپ, قۇتقارۋشىلار ٷشٸن قازبا جۇمىستارى قانشالىقتى قاۋٸپسٸز ەكەنٸنە شەشٸم قابىلداۋى تيٸس. ساراپشىلار قاۋٸپ جوق دەپ شەشسە, ەرينە, ٸزدەۋ جۇمىستارى قايتا جاندانادى", - دەيدٸ تجم ۆيتسە-مينيسترٸ باۋىرجان سىزدىقوۆ.
يندۋسترييا مينيسترٸ كەن ورنىندا ٶندٸرٸستٸك قاۋٸپسٸزدٸككە قارجى از بٶلٸنەتٸنٸن مويىندادى.
"بۇل جاعدايدى پاۆلودار ەكٸمٸمەن تالقىلادىق, ينۆەستورعا قاتىستى ناقتى شەشٸمدەر قابىلدايمىز" - دەدٸ شارلاپاەۆ.
"بۇعان دەيٸن ٸستەگەنٸمٸزدەي, اكتسيونەرمەن تٸكەلەي ديالوگ قۇرماقپىز. ول كەنٸشتەگٸ ٶندٸرٸستٸك قاۋٸپسٸزدٸك پەن كەن ورنىن يگەرۋدٸ ٶز موينىنا الادى نەمەسە ناقتى وسى ينۆەستوردىڭ جەر قويناۋىن پايدالانۋ قۇقىعى مەسەلەسٸن قايتا قارايتىن بولامىز. بٸر شەشٸمگە كەلەمٸز", - دەدٸ يندۋسترييا جەنە ينفراقۇرىلىمدىق دامۋ مينيسترٸ قانات شارلاپاەۆ
اۆتوبۋسپەن بٸرگە توپىراق استىندا قالعان ەكٸ ادام ەلٸ جوعالعاندار ساناتىندا. ال ولاردىڭ وتباسى زارداپ شەگۋشٸ رەتٸندە تانىلماعان. پاۆلوداردان كٶمەك سۇراپ كەلگەن قاۋىمدى ٷكٸمەتتەگٸلەر باس پروكۋراتۋراعا, ونداعىلار اينالىپ كەلٸپ وبلىس پروكۋرورىنا قايتا باعىتتاپتى.
