فوتو: قر تجم باسپاسٶز قىزمەتٸ
«مايقايىڭالتىن» اق اۋماعىنداعى اپات سالدارىنان بولعان توپتىق جازاتايىم وقيعانى تەكسەرۋ جٶنٸندەگٸ كوميسسييا 4-24 قاڭتار ارالىعىندا جٷرگٸزٸلگەن تەرگەۋ نەتيجەلەرٸن جارييالادى, دەپ حابارلايدى "ۇلت اقپارات" تٶتەنشە جاعدايلار مينيسترلٸگٸنە سٸلتەمە جاساپ.
ۆەدومستۆو مەلٸمەتٸنشە, وسى كەزەڭ ارالىعىندا تجم ٶنەركەسٸپتٸك قاۋٸپسٸزدٸك كوميتەتٸ تٶراعاسىنىڭ ورىنباسارى مۇسا تاناباەۆتىڭ تٶراعالىعىمەن كوميسسييا مٷشەلەرٸ جوبالىق قۇجاتتامانى زەردەلەپ, تەرگەۋگە 4 ساراپتامالىق ۇيىمدى, ونىڭ ٸشٸندە رەسەي فەدەراتسيياسىنىڭ ساراپشىسىن تارتىپ, التىن ٶندٸرۋشٸ كەسٸپورىننىڭ كۋەگەرلەرٸ مەن لاۋازىمدى تۇلعالارى اراسىندا ساۋالناما جٷرگٸزگەن. سونىمەن قاتار شاحتاعا تٷسٸپ, وقيعا ورنىن زەرتتەگەن.
وسىلايشا, كوميسسييا جان-جاقتى تەرگەۋ جٷرگٸزە وتىرىپ, تاۋ-كەن ماسساسىنىڭ قۇلاۋى سالدارىنان ورىن العان توپتىق جازاتايىم وقيعانىڭ سەبەپتەرٸن انىقتادى. ولار:
• جۇمىس ٶندٸرٸسٸ قاناعاتتانارلىقسىز دەڭگەيدە ۇيىمداستىرىلعان;
• «مايقايىڭالتىن» اق جاۋاپتى تۇلعالارى تاراپىنان تاۋ-كەن جۇمىستارىنىڭ قاۋٸپسٸز جٷرگٸزٸلۋٸنە ٶندٸرٸستٸك باقىلاۋ تيٸستٸ تٷردە جٷزەگە اسىرىلماعان;
• بلوكتاردى ٶڭدەۋ كەزٸندە قازبالاردان قۇلاۋ پروتسەسٸن باقىلاۋ تيٸسٸنشە جٷزەگە اسىرىلماعان.
"سونىمەن قاتار بۇل بوس ورىندارعا تيٸستٸ باقىلاۋ جٷرگٸزٸلمەگەنٸ, جوبالىق قۇجاتتاماعا سەيكەس ەزٸرلەنگەن تازارتۋ كەڭٸستٸگٸنٸڭ بوس جەرلەرٸ قۇلاۋ ىقتيمالدىلىعى بار ەكەندٸگٸ نازارعا الىنباعانى انىقتالدى.
وسىنىڭ سالدارىنان كەنەتتەن تاۋ ماسساسى قۇلاپ, جازاتايىم وقيعا ورىن العان.
تەرگەۋ نەتيجەلەرٸ بويىنشا كوميسسييا مٷشەلەرٸ جازاتايىم وقيعانىڭ سەبەپتەرٸن جويۋ جٶنٸندەگٸ ٸس-شارالاردى جەنە ولاردىڭ ورىندالۋ مەرزٸمدەرٸن ايقىندادى. ونىڭ ٸشٸندە شاحتا ديرەكتورىنىڭ, باس ينجەنەردٸڭ, باس ماركشەيدەردٸڭ, ۋچاسكەلٸك ماركشەيدەرلەردٸڭ لاۋازىمدىق نۇسقاۋلىقتارى ٶنەركەسٸپتٸك قاۋٸپسٸزدٸك سالاسىنداعى زاڭنامانىڭ تالاپتارىن ەسكەرە وتىرىپ قايتا قارالاتىن بولادى.
بۇدان باسقا, تاۋ-كەن قازبالارىنىڭ ٶنەركەسٸپتٸك قاۋٸپسٸزدٸك تالاپتارىنا سەيكەستٸگٸنە ەگجەي-تەگجەيلٸ تەكسەرۋ جٷرگٸزٸلەدٸ" - دەلٸنگەن حابارلامادا.
ۆەدومستۆو مەلٸمەتٸنشە, قۇلاۋى مٷمكٸن ايماقتاردى جەنە قاۋٸپسٸزدٸك نورمالارىن قامتاماسىز ەتۋدٸ ەسكەرە وتىرىپ, اۆتوكٶلٸك قوزعالىسىنىڭ مارشرۋتتارى ەزٸرلەنەدٸ.
"كوميسسييا 7 جاۋاپتى ادامدى انىقتادى, ولاردىڭ ەرەكەتتەرٸ سالدارىنان توپتىق جازاتايىم وقيعا ورىن الدى.
ەڭبەك زاڭناماسىنا سەيكەس تەرگەۋ ماتەريالدارى قۇقىق قورعاۋ ورگاندارىنا جٸبەرٸلدٸ.
اپات بولعان جەردە اۆارييالىق-قۇتقارۋ جۇمىستارى وقيعا بولعان سەتتەن باستاپ دەمالىسسىز جٷرگٸزٸلٸپ جاتىر. توپىراقتىڭ گەوسكانيزاتسيياسى جۇمىسى مەرزٸمدٸ ۋاقىتتا جٷرگٸزٸلۋدە. جۇمىستار ٶتە قيىن جاعدايلاردا جالعاسىپ جاتىر. تاۋ جىنىستارىنىڭ قۇلاۋ قاۋپٸ جەنە پايدا بولعان شۇڭقىردىڭ استىندا بوس كەڭٸستٸكتەر بار" - دەلٸنگەن حابارلامادا.
