Foto: QR TJM baspasóz qyzmeti
«Maiqaiyńaltyn» AQ aýmaǵyndaǵy apat saldarynan bolǵan toptyq jazataiym oqiǵany tekserý jónindegi komissiia 4-24 qańtar aralyǵynda júrgizilgen tergeý nátijelerin jariialady, dep habarlaidy "Ult aqparat" Tótenshe jaǵdailar ministrligine silteme jasap.
Vedomstvo málimetinshe, osy kezeń aralyǵynda TJM Ónerkásiptik qaýipsizdik komiteti tóraǵasynyń orynbasary Musa Tanabaevtyń tóraǵalyǵymen komissiia músheleri jobalyq qujattamany zerdelep, tergeýge 4 saraptamalyq uiymdy, onyń ishinde Resei Federatsiiasynyń sarapshysyn tartyp, altyn óndirýshi kásiporynnyń kýágerleri men laýazymdy tulǵalary arasynda saýalnama júrgizgen. Sonymen qatar shahtaǵa túsip, oqiǵa ornyn zerttegen.
Osylaisha, komissiia jan-jaqty tergeý júrgize otyryp, taý-ken massasynyń qulaýy saldarynan oryn alǵan toptyq jazataiym oqiǵanyń sebepterin anyqtady. Olar:
• jumys óndirisi qanaǵattanarlyqsyz deńgeide uiymdastyrylǵan;
• «Maiqaiyńaltyn» AQ jaýapty tulǵalary tarapynan taý-ken jumystarynyń qaýipsiz júrgizilýine óndiristik baqylaý tiisti túrde júzege asyrylmaǵan;
• bloktardy óńdeý kezinde qazbalardan qulaý protsesin baqylaý tiisinshe júzege asyrylmaǵan.
"Sonymen qatar bul bos oryndarǵa tiisti baqylaý júrgizilmegeni, jobalyq qujattamaǵa sáikes ázirlengen tazartý keńistiginiń bos jerleri qulaý yqtimaldylyǵy bar ekendigi nazarǵa alynbaǵany anyqtaldy.
Osynyń saldarynan kenetten taý massasy qulap, jazataiym oqiǵa oryn alǵan.
Tergeý nátijeleri boiynsha komissiia músheleri jazataiym oqiǵanyń sebepterin joiý jónindegi is-sharalardy jáne olardyń oryndalý merzimderin aiqyndady. Onyń ishinde shahta direktorynyń, bas injenerdiń, bas marksheiderdiń, ýchaskelik marksheiderlerdiń laýazymdyq nusqaýlyqtary ónerkásiptik qaýipsizdik salasyndaǵy zańnamanyń talaptaryn eskere otyryp qaita qaralatyn bolady.
Budan basqa, taý-ken qazbalarynyń ónerkásiptik qaýipsizdik talaptaryna sáikestigine egjei-tegjeili tekserý júrgiziledi" - delingen habarlamada.
Vedomstvo málimetinshe, qulaýy múmkin aimaqtardy jáne qaýipsizdik normalaryn qamtamasyz etýdi eskere otyryp, avtokólik qozǵalysynyń marshrýttary ázirlenedi.
"Komissiia 7 jaýapty adamdy anyqtady, olardyń áreketteri saldarynan toptyq jazataiym oqiǵa oryn aldy.
Eńbek zańnamasyna sáikes tergeý materialdary quqyq qorǵaý organdaryna jiberildi.
Apat bolǵan jerde avariialyq-qutqarý jumystary oqiǵa bolǵan sátten bastap demalyssyz júrgizilip jatyr. Topyraqtyń geoskanizatsiiasy jumysy merzimdi ýaqytta júrgizilýde. Jumystar óte qiyn jaǵdailarda jalǵasyp jatyr. Taý jynystarynyń qulaý qaýpi jáne paida bolǵan shuńqyrdyń astynda bos keńistikter bar" - delingen habarlamada.
