جۋىردا وتاندىق جۋرناليستەردٸڭ بٸرٸ ٶزٸنٸڭ Instagram پاراقشاسىندا سەكەن مايعازيەۆتٸڭ گونورار رەتٸندە العان 5 ملن تەڭگەسٸن قايىرىمدىلىققا بەرگەنٸن جازدى. ەنشٸنٸڭ ٶزٸ بۇل جايتتى جاسىرسا دا, جۋرناليست جازبانى بۇل تۋرالى بارشا قازاقستان بٸلۋٸ تيٸس دەگەن نيەتپەن جارييالاعانىن تٷسٸندٸردٸ. كەيٸن جۋرناليستٸڭ بۇل سٶزدەرٸن ەنشٸنٸڭ ٶزٸ دە راستاپ, كٶپ اقشانىڭ ٶزٸنە قايدان كەلگەنٸن تٷسٸندٸردٸ, دەپ جازادى Sputnik قازاقستان.
ەنشٸ بۇل سومانى قازاقستانداعى بەدەلدٸ كومپانييانىڭ تانىستىرۋشىسىنا اينالعاندىقتان العان.
"جۋرناليست قارىنداسىمنىڭ بۇل وقيعانى ٶز پاراقشاسىندا بٶلٸسٸپ, كەيٸن جارييالاعانى ٷشٸن كەشٸرٸم سۇراعانى بار. ول "اعا, جارييالاعانىما رەنجٸمەڭٸز, ودان سٸزدٸڭ ساۋابىڭىزدى اللا قالاسا كەمٸتپەس, ٸشتەگٸ نيەتٸڭٸز بەلگٸلٸ عوي. مٷمكٸن بۇل ەرەكەتٸڭٸزبەن باسقا ادامداردىڭ جاقسى ٸسٸنە سەبەپشٸ بولارسىز" دەپ ايتتى ماعان", — دەپ سەكەن مايعازيەۆ مۇنى جۇرتقا جارييا ەتكٸسٸ كەلمەگەنٸ تۋرالى جازدى.
ەرٸ قاراي جۇلدىز مۇنى دەۋلەتٸ اسىپ-تاسىعاننان جاساماعانىن, ٶزٸنٸڭ دە جاقىندارى ماتەريالدىق قۇندىلىقتارعا مۇقتاج ەكەنٸن جەتكٸزدٸ.
"نەسيەسٸ بار تۋىستارىم دا بار. ياعني ەشكٸمنٸڭ تٶرت قابىرعاسى تٷگەل ەمەس. اعا-ەپكە, ٸنٸ-قارىنداستارىم دا قينالىپ جٷر. دەسە دە, بٸزدٸڭ ەۋلەتٸمٸزدەن دە ناشار ٶمٸر سٷرٸپ جاتقان قانشاما وتباسى بار. سول ادامدارعا سەپتٸگٸم تيگەنٸن قالادىم", — دەپ سٶزٸن جالعادى ەنشٸ.
دەسە دە, مايعازيەۆ ەلەۋمەتتٸك جەلٸدە كەز كەلگەن ادامعا كٶمەك قولىن سوزا بەرمەيتٸنٸن جەتكٸزدٸ. كٶمەك تۋرالى ٶتٸنٸشتٸ جارنامالاماس بۇرىن ەبدەن ويلانادى ەكەن.
"جارناما جاساپ بەرۋ جٶنٸندە قانداي ۇسىنىس تٷسسە دە, جەتٸ رەت ٶلشەپ بٸر رەت كەسۋگە تىرىسامىن. ٶزٸم جەتٸك بٸلمەيتٸن, كٷمەندى دٷنيەلەرگە مٷلدەم جولامايمىن. مەن ٷشٸن مەنٸ وقىپ وتىرعان وقىرماندارىمنىڭ سەنٸمٸ ەلدەقايدا قىمبات. شىنىمەن حالىققا پايدالى دٷنيە بولسا, كەيدە قولداۋ كٶرسەتٸپ, ەشكٸم سۇراماسا دا جارنامالاپ جاتامىن ٶزٸم-اق", — دەدٸ ول.
