بٷگٸن «Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ جاپونييانىڭ قازاقستانداعى تٶتەنشە جەنە ٶكٸلەتتٸ ەلشٸسٸ تاتسۋحيكو كاسايمەن جەنە گەرمانييانىڭ ەلٸمٸزدەگٸ تٶتەنشە جەنە ٶكٸلەتتٸ ەلشٸسٸ تيلو كليننەرمەن كەزدەستٸ, دەپ حابارلايدى "ۇلت اقپارات" پارتييانىڭ باسپاسٶز قىزمەتٸنە سٸلتەمە جاساپ حابارلايدى.
وندا تاراپتار ەكٸ ەل اراسىنداعى ىنتىماقتاستىقتى ودان ەرٸ ارتتىرىپ, پارتيياارالىق ديالوگتى دامىتۋ جايىن كەڭٸنەن تالقىلادى.
قازاقستان مەن جاپونييا اراسىنداعى ديپلوماتييالىق قارىم-قاتىناس ەل تەۋەلسٸزدٸگٸنٸڭ العاشقى جىلدارىنان باستاپ جٷيەلٸ جٷرگٸزٸلٸپ كەلەدٸ. سونىڭ ارقاسىندا ەكٸ ەل اراسىنداعى ىنتىماقتاستىق نىعايىپ, تٷرلٸ سالا بويىنشا سەرپٸندٸ دامۋ بايقالادى. وسى مەسەلەلەرگە نازار اۋدارعان «Nur Otan» پارتيياسى تٶراعاسىنىڭ بٸرٸنشٸ ورىنباسارى بۇل مەملەكەت باسشىلارىنىڭ دەڭگەيٸندەگٸ دوستىق قارىم-قاتىناستىڭ نەتيجەسٸ ەكەنٸن ايتتى.
سونىمەن قاتار ول ەكٸ ەلدٸڭ ساۋدا-ەكونوميكالىق بايلانىسىنىڭ دامۋ كٶرسەتكٸشتەرٸنە دە توقتالدى. ونىڭ ايتۋىنشا, قازٸرگٸ تاڭدا قازاقستان مەن جاپونييا اراسىنداعى تاۋار اينالىمىنىڭ كٶلەمٸ 2 ملرد. اقش دوللارىن قۇرايدى. سونداي-اق 2005 جىلدان بەرٸ اتالعان ەلدەن قازاقستانعا 6 ملرد. اقش دوللارى كٶلەمٸندە ينۆەستيتسييا تارتىلعان. ەكٸ ەلدٸڭ ساياسي جەنە ەكونوميكالىق مەسەلەلەرمەن بٸرگە ٶڭٸردەگٸ قاۋٸپسٸزدٸكتٸ قامتاماسىز ەتۋ, بەيبٸتشٸلٸكتٸ ساقتاۋ, جاھاندىق تٷيتكٸلدەردٸڭ وڭ شەشٸلۋٸنە ىقپال ەتۋ سيياقتى ورتاق مٷددەلەرٸنٸڭ دە بار ەكەنٸن اتاپ ٶتكەن جٶن.
ٶز سٶزٸندە «Nur Otan» پارتيياسى تٶراعاسىنىڭ بٸرٸنشٸ ورىنباسارى قازاقستان مەن جاپونييانىڭ پارلامەنت جەنە پارتيياارالىق بايلانىستارىنىڭ دا جوعارى دەڭگەيدە ەكەنٸن تٸلگە تيەك ەتتٸ. ودان بٶلەك, بيىل «Nur Otan» پارتيياسىنىڭ 20 جىلدىعى ەكەنٸنە كٶڭٸل بٶلٸپ, سوعان وراي تاياۋدا عانا ٶتكەن پارتييانىڭ كەزەكتٸ XVIII سەزٸ تۋرالى ايتتى.
«سەزدە پارتييامىزبەن بٸرگە ەلٸمٸز ٷشٸن دە اسا ماڭىزدى مەسەلەلەردٸ تالقىلادىق. سونىڭ نەتيجەسٸندە پارتييانىڭ 2030 جىلعا دەيٸنگٸ باعدارلاماسى قابىلداندى. سوعان وراي ەل ٷكٸمەتٸ ٶز جۇمىسىندا وسى باعدارلاماعا باسىمدىق بەرەدٸ. پارلامەنت مەجٸلٸسٸندەگٸ پارتييا فراكتسيياسى مەن ەلٸمٸز بويىنشا پارتييا فيليالدارىنىڭ جۇمىسى دا وسى باعدارلامانى جٷزەگە اسىرۋعا باعىتتالادى. باعدارلامادا بٸزدٸڭ كٶزدەگەن ماقساتتارىمىز بەن باعىت-باعدارىمىز انىق كٶرسەتٸلگەن. اتاپ ايتقاندا, قازاقستاندىق وتباسىلاردىڭ تۇرمىسىن جاقسارتۋ, دەنساۋلىق ساقتاۋ مەن بٸلٸم بەرۋ سالاسىن دامىتۋ, ينفراقۇرىلىمدى جەتٸلدٸرۋ, ينكليۋزيۆتٸ ەكونوميكانى قالىپتاستىرۋ, بيزنەستٸ دامىتۋ سيياقتى قوعامداعى ٶزەكتٸ ەلەۋمەتتٸك مەسەلەلەردٸ وڭ شەشۋگە باعىتتالعان ناقتى ماقساتتار بار», - دەگەن مەۋلەن ەشٸمباەۆ سەزدە مەملەكەت باسشىسى, «Nur Otan» پارتيياسىنىڭ تٶراعاسى نۇرسۇلتان نازارباەۆتىڭ بٸرقاتار ناقتى تاپسىرمالار بەرگەنٸن اتاپ ٶتتٸ.
ٶز كەزەگٸندە جاپونييانىڭ قازاقستانداعى ەلشٸسٸ تاتسۋحيكو كاساي ەكٸ ەلدٸڭ بايلانىسىن ودان ەرٸ نىعايتۋعا كٷش جۇمسايتىنىن جەتكٸزدٸ.
«قازاقستان تۇراقتى ەكونوميكاسى مەن ساياسي جٷيەسٸ قالىپتاسقان ەل. «Nur Otan» پارتيياسىنىڭ سەزٸندە قازاقستان پرەزيدەنتٸ «Nur Otan» پارتيياسىنىڭ جاڭا باعدارلاماسى ەلەۋمەتتٸك سيپاتقا يە ەكەنٸن اتاپ ٶتتٸ. وسى رەتتە جاپون تاراپى اتالعان باعىتتاعى ىنتىماقتاستىقتى ودان ەرٸ كٷشەيتۋگە مٷددەلٸ ەكەنٸن جەتكٸزگٸم كەلەدٸ», - دەدٸ ەلشٸ مىرزا.
«Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆتىڭ گەرمانييانىڭ قازاقستانداعى تٶتەنشە جەنە ٶكٸلەتتٸ ەلشٸسٸ تيلو كليننەرمەن كەزدەسۋٸندە ەكٸ ەل بايلانىسىنىڭ دامۋ قارقىنى سٶز بولدى.
«گەرمانييا قازاقستاننىڭ ەۋروپاداعى ستراتەگييالىق ەرٸپتەستەرٸنٸڭ بٸرٸ. ەكٸ ەلدٸڭ اراسىندا مەملەكەت باسشىلارى, مەملەكەتتٸك ورگاندار جەنە ساياسي پارتييالار دەڭگەيٸندە دوستىق ەرٸپتەستٸك بايلانىس ورناعان. سوڭعى جىلدارى بٸزدٸڭ ەكونوميكالىق بايلانىستارىمىز دا قارقىندى دامۋدا», - دەگەن مەۋلەن ەشٸمباەۆ ەكٸ ەلدٸڭ ساۋدا-ەكونوميكالىق كٶرسەتكٸشتەرٸنە نازار اۋداردى.
ونىڭ سٶزٸنە قاراعاندا بٷگٸندە قازاقستان مەن گەرمانييا اراسىنداعى تاۋار اينالىمى 2 ملرد. اقش دوللارى شاماسىندا. سونداي-اق كەزدەسۋدە گەرمانييانىڭ 2005 جىلدان بەرٸ قازاقستانعا 8,6 ملرد. اقش دوللارى كٶلەمٸندە ينۆەستيتسييا سالعانى دا ايتىلدى.
«سوندىقتان گەرمانييا ەلٸمٸز ٷشٸن ەڭ ٸرٸ ينۆەستورلاردىڭ بٸرٸ بولىپ سانالادى. الداعى ۋاقىتتا وسى سالانى ودان ەرٸ دامىتامىز دەپ سەنەمٸن», - دەدٸ «Nur Otan» پارتيياسى تٶراعاسىنىڭ بٸرٸنشٸ ورىنباسارى.
ٸس-شارا بارىسىندا ەكٸ ەلدٸڭ پارتيياارالىق بايلانىسى تۋرالى دا سٶز بولدى. مەۋلەن ەشٸمباەۆ «Nur Otan» پارتيياسى مەن گەرمانييانىڭ حريستيان-دەموكراتييالىق وداعى اراسىندا تىعىز بايلانىس ورناعانىن ايتتى. سونداي-اق ول «Nur Otan»-نىڭ جاقىندا ٶتكەن كەزەكتٸ XVIII سەزٸندە پارتييانىڭ جاڭا باعدارلاماسى قابىلدانعانىن جەنە وندا قازاقستان پرەزيدەنتٸ, پارتييا تٶراعاسى نۇرسۇلتان نازارباەۆتىڭ ٷكٸمەتكە ەلەۋمەتتٸك سالانى دامىتۋعا ارنالعان ناقتى تاپسىرمالار بەرگەنٸن سٶز ەتتٸ.
«سەزدە پارتييا تٶراعاسى حالىقتىڭ ەلەۋمەتتٸك جاعدايىن جاقسارتىپ, ەل-اۋقاتىن ارتتىرۋعا باعىتتالعان بٸرقاتار تاپسىرمالار بەردٸ. اتاپ ايتقاندا, قازاقستاندىق وتباسىلاردىڭ تۇرمىس دەڭگەيٸن كٶتەرۋ, باسپانامەن قامتۋ, بٸلٸم بەرۋ مەن دەنساۋلىق ساقتاۋ سالالارىن جاقسارتۋ جەنە وسىنداي باسىمدىقتاردى بٷكٸل ەلٸمٸز بويىنشا جٷزەگە اسىرۋ مەسەلەلەرٸ قامتىلدى. سوندىقتان الداعى ۋاقىتتا پارتييا وسى باعىتتاردا ٷكٸمەتپەن, مەملەكەتتٸك جەنە جەرگٸلٸكتٸ اتقارۋشى ورگاندارمەن بٸرلەسٸپ جۇمىس ٸستەپ, مەملەكەت باسشىسىنىڭ تاپسىرمالارىنىڭ ورىندالۋ بارىسىنا باقىلاۋ جرگٸزەدٸ», - دەدٸ مەۋلەن ەشٸمباەۆ.
ال تيلو كليننەر قازاقستان مەن گەرمانييا اراسىنداعى دوستىق قارىم-قاتىناستىڭ بەرٸك ورناعانىنا نازار اۋدارىپ, وسى بايلانىستى ودان ەرٸ دامىتۋ كەرەكتٸگٸن ايتتى.
- قازاقستان گەرمانييانىڭ ورتالىق ازيياداعى ەڭ سەنٸمدٸ سەرٸگٸ. بٸزدٸڭ اۋىل شارۋاشىلىعىن دامىتۋ باعىتىندا دا تەجٸريبە الماسۋعا مول مٷمكٸندٸگٸمٸز بار. «Nur Otan» پارتيياسىنىڭ سەزٸندە ايتىلعان باسىمدىقتار بويىنشا دا بايلانىس ورناتۋعا دايىنبىز. الداعى ۋاقىتتا سول وسى سەزدە قابىلدانعان «Nur Otan»-نىڭ جاڭا باعدارلاماسى قازاقستاندى جاڭا بيٸككە شىعارادى دەپ سەنەمٸن, - دەدٸ گەرمانييا ەلشٸسٸ.
