فوتو:سەنەت باسپاسٶز قىزمەتٸمەملەكەت باسشىسى قاسىم-جومارت توقاەۆتىڭ تاپسىرماسى بويىنشا پارلامەنت سەناتىنىڭ تٶراعاسى مەۋلەن ەشٸمباەۆ رەسەي فەدەراتسيياسىنىڭ قازاقستان رەسپۋبليكاسىنداعى ەلشٸلٸگٸنە باردى, دەپ حابارلايدى "ۇلت اقپارات" BAQ.KZ-كە سٸلتەمە جاساپ.
پالاتا سپيكەرٸ مەسكەۋ وبلىسىندا بولعان لاڭكەستٸك وقيعاعا بايلانىستى ەلٸمٸزدەگٸ رەسەي ەلشٸسٸنە كٶڭٸل ايتتى. سونداي-اق كٶڭٸل ايتۋ كٸتابىنا جازبا قالدىرىپ, گٷل شوعىن قويدى. ول ونداعان جازىقسىز جاننىڭ ٶمٸرٸن قيعان قايعىلى وقيعانى قازاقستاندىقتار اۋىر كٷيزەلٸسپەن قابىلداعانىن اتاپ ٶتتٸ.
سەنات تٶراعاسى رەسەي فەدەراتسيياسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ الەكسەي بوروداۆكينمەن سۇحبات بارىسىندا قازاقستان پرەزيدەنتٸ قاسىم-جومارت توقاەۆ بەيبٸت ازاماتتارعا قارسى تەرروريستٸك اكتٸنٸ قاتاڭ ايىپتاعانىن جەنە لاڭكەستٸككە قارسى كٷرەستە رەسەيمەن بٸرگە ەكەنٸن راستاعانىن ايتتى.
قازاقستان پرەزيدەنتٸ قاسىم-جومارت كەمەلۇلى توقاەۆ بۇۇ-عا مٷشە مەملەكەتتەردٸ جازىقسىز ازاماتتارعا قارسى زورلىق-زومبىلىقتىڭ بۇل تٷرٸنە بٸراۋىزدان قارسىلىق تانىتۋعا شاقىردى. ادامدىققا جات مۇنداي لاڭكەستٸك ەرەكەتتٸ مٷلدە اقتاۋعا بولمايدى. قايعىلى وقيعاعا بايلانىستى قازاقستان رەسپۋبليكاسى پارلامەنتٸ سەناتى دەپۋتاتتارىنىڭ جەنە جەكە ٶز اتىمنان كٶڭٸل ايتامىن. بۇل جاعداي رەسەي حالقىمەن بٸرگە بٸزدٸڭ ازاماتتارىمىزدىڭ دا قابىرعاسىن قايىستىردى. ورىن العان لاڭكەستٸكتٸ بٸز اۋىر كٷيزەلٸسپەن قابىلدادىق. بارلىق زارداپ شەككەندەرگە سابىر تٸلەي وتىرىپ, ولاردىڭ تەزٸرەك ساۋىعىپ كەتۋٸنە تٸلەكتەستٸگٸمٸزدٸ بٸلدٸرەمٸز, – دەدٸ مەۋلەن ەشٸمباەۆ كٶڭٸل ايتۋ كٸتابىنا قالدىرعان جازباسىندا.
ايتا كەتەيٸك, مەملەكەت باسشىسى قاسىم-جومارت توقاەۆ رەسەي پرەزيدەنتٸمەن تەلەفون ارقىلى سٶيلەسٸپ, مەسكەۋ وبلىسىنداعى لاڭكەستٸك ەرەكەت سالدارىنان كٶپتەگەن ادامنىڭ قازا تابۋىنا بايلانىستى قازاقستاندىقتاردىڭ اتىنان ۆلاديمير پۋتينگە جەنە باۋىرلاس رەسەي حالقىنا قايعىرىپ كٶڭٸل ايتتى. ٶز كەزەگٸندە رەسەي پرەزيدەنتٸ قولداۋ كٶرسەتكەنٸ ٷشٸن قاسىم-جومارت توقاەۆقا العىس بٸلدٸردٸ.
سونىمەن قاتار مەملەكەت باسشىسىنىڭ تٶراعالىعىمەن قازاقستان رەسپۋبليكاسى قاۋٸپسٸزدٸك كەڭەسٸنٸڭ شۇعىل وتىرىسى ٶتتٸ. جيىندا قۇقىق قورعاۋ قۇرىلىمدارى مەن جەرگٸلٸكتٸ اتقارۋشى ورگانداردىڭ جۇمىس جوسپارى, سونداي-اق ەكسترەمالدى جاعدايلارداعى ولاردىڭ قىزمەتٸن ٷيلەستٸرۋ مەسەلەلەرٸ قاراستىرىلدى. پرەزيدەنت ەل ازاماتتارىنىڭ قاۋٸپسٸزدٸگٸن جەنە تەرروريزمگە قارسى كٷرەس ماقساتىندا قازاقستاننىڭ باسقا مەملەكەتتەرمەن جەنە حالىقارالىق ۇيىمدارمەن ىقپالداستىعىن قامتاماسىز ەتۋگە باعىتتالعان بٸرقاتار تاپسىرما بەردٸ.
