قر پارلامەنتٸ سەناتىنىڭ تٶراعاسى مەۋلەن ەشٸمباەۆ ەلباسىنىڭ «اباي اماناتى» اتتى ماقالاسىنا وراي پٸكٸر بٸلدٸردٸ, دەپ حابارلايدى "ۇلت اقپارات".
«ەلباسىنىڭ «اباي اماناتى» اتتى ماقالاسىن بٸر دەممەن وقىپ شىقتىم. تۋىندى تۇڭعىش پرەزيدەنتٸمٸزدٸڭ ابايدى العاش تانىعان كەزٸنەن باستالىپ, ۇلى ويشىلدىڭ ٶسيەت سٶزدەرٸمەن ٶرٸلگەن. ماقالانى وقۋ ارقىلى ەلباسى ٶمٸرٸنە, ونىڭ ٸشٸندە ەل باسقارۋداعى ٸس-ەرەكەتٸنە اقىننىڭ عيبراتتارى قانشالىقتى ەسەر ەتكەنٸن بۇرىنعىدان دا جاقىنىراق بٸلدٸك دەۋگە بولادى. شىن مەنٸندە, نۇرسۇلتان ەبٸشۇلىنىڭ ەر يگٸ باستاماسى دانىشپاننىڭ ٶنەگەسٸنە تابان تٸرەيدٸ. وعان ەلباسىنىڭ قازاقستان حالقى اسسامبلەياسىن قۇرۋ تۋرالى شەشٸمٸ ابايدىڭ «ادامزاتتىڭ بەرٸن سٷي باۋىرىم دەپ...» دەگەن قاعيداسىمەن ٷندەسۋٸ ايقىن دەلەل», - دەپ جازدى سەنات سپيكەرٸ Facebook پاراقشاسىندا.
مەۋلەن ەشٸمباەۆ ەلباسى ماقالادا قازاقستان رەسپۋبليكاسىنىڭ پرەزيدەنتٸ رەتٸندەگٸ ٶكٸلەتتٸگٸن ٶز ەركٸمەن توقتاتۋ تۋرالى شەشٸمدٸ قابىلداماس بۇرىن بولاشاقتا ەل تٸزگٸنٸن ۇستايتىن ازاماتقا ابايشا قاراپ, ابايشا باعا بەرگەنٸن ايتقانىنا نازار اۋدارتادى.
«وسىنىڭ ٶزٸ اباي مۇراسىنىڭ مەڭگٸلٸك ەكەنٸن دەلەلدەيتٸن دٷنيە. نۇرسۇلتان ەبٸشۇلى عۇلامانىڭ 150 جىلدىق مەرەيتويىن حالىقارالىق دەڭگەيدە اتاپ ٶتۋدٸڭ ەلدٸك, ەگەمەندٸك تۇرعىسىنان قانشالىق ماڭىزدى بولعانىن دا نازاردان تىس قالدىرماي, سول كەزدەگٸ بٸرقاتار ەستەلٸكتەرگە توقتالىپ ٶتكەن. وقىپ وتىرىپ, ابايداي دارا تۇلعانىڭ مەرەيتويى توي تويلاۋ ٷشٸن ەمەس, وي ويلاۋ ٷشٸن قاجەت دەگەن قاعيدانىڭ دۇرىستىعىنا ودان ەرٸ كٶز جەتكٸزە تٷسەسٸڭ.
ەلباسى ماقالادا: «كەيدە بٸزدٸڭ بۋىن ٶمٸر بويىنا ۇلى اباي مەكتەبٸنەن, ياعني عۇلامانىڭ مۇحيتتاي شالقار وي قازىناسىنان تولاسسىز بٸلٸم الىپ كەلە جاتقانداي كٶرٸنەدٸ», – دەيدٸ. بٸز وسى ٷردٸستٸ لايىقتى جالعاستىرۋىمىز قاجەت. ياعني, ابايدىڭ اقىل داريياسى ۇلتىمىزدىڭ بٷگٸنگٸ بۋىنى ٷشٸن دە جەنە بولاشاق ۇرپاق ٷشٸن دە اينىماس باعىت-باعدارعا, ٶمٸرلٸك شامشىراققا اينالۋى كەرەك. بۇل – كەمەل كەلەشەكتٸڭ بٸردەن بٸر كەپٸلٸ», - دەدٸ سەنات تٶراعاسى.
