بٷگٸن «Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ ەقىۇ دەموكراتييالىق ينستيتۋتتار جەنە ادام قۇقىقتارى جٶنٸندەگٸ بيۋروسىنىڭ سايلاۋ جٶنٸندەگٸ كەڭەسشٸلەرٸ راديۆويا گرۋيچ جەنە ۆلاديمير ميسەۆپەن, سونداي-اق, ەقىۇ پارلامەنتتٸك اسسامبلەياسىنىڭ ٶكٸلٸ ديميتريي تودوريچپەن كەزدەستٸ, دەپ حابارلايدى "ۇلت اقپارات".
پارتييا باسپاسٶز قىزمەتٸنٸڭ مەلٸمەتٸنشە, كەزدەسۋدە تاراپتار الداعى قازاقستان رەسپۋبليكاسى پرەزيدەنتٸنٸڭ كەزەكتەن تىس سايلاۋىنا قاتىستى مەسەلەلەردٸ تالقىلادى.
«Nur Otan» پارتيياسى تٶراعاسىنىڭ بٸرٸنشٸ ورىنباسارى قازاقستاننىڭ تەۋەلسٸزدٸكتٸڭ العاشقى جىلدارىنان باستاپ ەقىۇ-نىڭ حالىقارالىق قاۋٸپسٸزدٸكتٸ ساقتاۋ, بەيبٸتشٸلٸكتٸ قامتاماسىز ەتۋ, ادام قۇقىقتارىن قورعاۋ جەنە دەموكراتييالىق تەتٸكتەردٸ ٸلگەرٸلەتۋگە باعىتتالعان ساياساتىن قولداپ كەلە جاتقانىن ايتتى. سونداي-اق ول قازٸرگٸ تاڭدا قازاقستان مەن ەقىۇ اراسىنداعى قارىم-قاتىناستىڭ كٷشەيە تٷسكەنٸنە نازار اۋداردى.
«قازاقستاننىڭ ەقىۇ-مەن ىنتىماقتاستىعى ەلٸمٸزدٸڭ وسى ۇيىمعا تٶراعالىق ەتكەن كەزەڭٸندە بۇرىنعىدان دا نىعايا تٷستٸ. سول كەزدە قابىلدانعان استانا دەكلاراتسيياسى ۇيىمنىڭ دامۋىنا تىڭ سەرپٸن بەرگەن ماڭىزدى قۇجات بولدى», - دەدٸ مەۋلەن ەشٸمباەۆ.
سونىمەن قاتار ول ەقىۇ-نىڭ بارلىق ستاندارتتارى قازاقستاننىڭ مەملەكەتتٸك باعدارلامالارى ٷشٸن نەگٸزگٸ باعدار بولىپ سانالاتىنىن تٸلگە تيەك ەتتٸ.
ونىڭ ايتۋىنشا, قازاقستان ٷشٸن ەقىۇ-مەن, ۇيىمنىڭ دەموكراتييالىق ينستيتۋتتار جەنە ادام قۇقىقتارى جٶنٸندەگٸ بيۋروسىمەن جەنە باسقا دا قۇرىلىمدارىمەن ىنتىماقتاستىقتى ودان ەرٸ نىعايتۋ اسا ماڭىزدى. سوندىقتان ول الداعى ۋاقىتتا ەكٸجاقتى قارىم-قاتىناستىڭ دامي تٷسەتٸنٸنە سەنٸم بٸلدٸردٸ. مۇنان بٶلەك, م.ەشٸمباەۆ دەل قازٸر قازاقستاندىقتاردىڭ تاريحي كەزەڭدٸ باستان ٶتكەرٸپ جاتقانىنا نازار اۋدارىپ, نۇرسۇلتان ەبٸشۇلى نازارباەۆ قازاقستان پرەزيدەنتٸ رەتٸندەگٸ ٶكٸلەتتٸگٸن توقتاتقانىمەن, «Nur Otan» پارتيياسىنىڭ تٶراعاسى بولىپ قالا بەرەتٸنٸن جەتكٸزدٸ.
«بٸزدٸڭ پارتييا ەلباسىمىز ايقىنداپ بەرگەن ەلٸمٸزدٸڭ بارلىق ستراتەگييالىق ماقساتتارىنا قول جەتكٸزۋ جولىنداعى جۇمىستارىن جالعاستىرا بەرەدٸ. سوندىقتان الداعى پرەزيدەنت سايلاۋىنا بەلسەندٸ تٷردە قاتىسامىز. كەلەسٸ اپتادا ٶتەتٸن پارتييانىڭ كەزەكتەن تىس XIX سەزٸندە سايلاۋعا قاتىساتىن كانديداتىمىزدى ۇسىنامىز. «Nur Otan» سايلاۋدىڭ اشىق ەرٸ ەدٸل ٶتۋٸنە جەنە بارلىق دەموكراتييالىق نورمالاردىڭ ساقتالۋىنا مٷددەلٸ. ٶيتكەنٸ بۇل بيلٸك ساباقتاستىعىن قامتاماسىز ەتەتٸن تەتٸكتەردٸڭ بٸرٸ بولىپ سانالادى», - دەدٸ مەۋلەن ەشٸمباەۆ.
ٶز كەزەگٸندە ەقىۇ دەموكراتييالىق ينستيتۋتتار جەنە ادام قۇقىقتارى جٶنٸندەگٸ بيۋروسىنىڭ سايلاۋ جٶنٸندەگٸ كەڭەسشٸسٸ راديۆويا گرۋيچ ەلٸمٸزگە قازاقستاننىڭ سىرتقى ٸستەر مينيسترلٸگٸنٸڭ ۇسىنىسى بويىنشا كەلگەندەرٸن ايتتى.
«بٸز مۇندا سايلاۋعا قاتىستى كەيبٸر تالاپتارعا باعالاۋ جۇمىستارىن جٷرگٸزٸپ, الداعى ساياسي ناۋقانعا دايىندىقتىڭ قازٸرگٸ دەڭگەيٸن باعامدايمىز. سونداي-اق ۇيىمنىڭ اتىنان سايلاۋعا بايقاۋشىلار جٸبەرۋ ٸسٸن پىسىقتاپ, قازاقستاننىڭ بٸرقاتار مەملەكەتتٸك ورگاندارىمەن, بۇقارالىق اقپارات قۇرالدارىمەن جەنە ساياسي پارتييا ٶكٸلدەرٸمەن كەزدەسۋلەر ٶتكٸزەمٸز», - دەدٸ راديۆويا گرۋيچ.
