بٷگٸن قازاق تاريحىنداعى ەڭ ەلەۋلٸ داتالاردىڭ بٸرٸ. سەبەبٸ وسىدان تۋرا 94 جىل بۇرىن, ياعني 1925 جىلدىڭ 15 سەۋٸرٸندە قىزىلوردادا ٶتكەن اكسر قىرعىز (قازاق) كەڭەستەرٸنٸڭ V سەزٸندە حالقىمىزعا «قازاق» دەگەن اتاۋدى قايتارۋ تۋرالى تاريحي شەشٸم قابىلداندى.
سودان باستاپ بارلىق رەسمي قۇجاتتاردا بٸزگە قاتىستى «قىرعىز» دەگەننٸڭ ورنىنا «قازاق» اتاۋى قولدانىلىپ, جازىلا باستادى. بۇل تەۋەلسٸزدٸك جولىندا جاسالعان ەڭ باتىل ەرٸ اسا ماڭىزدى قادامداردىڭ بٸرٸ ەدٸ.
وسى بٸر ۇلى ٸستٸڭ باستاۋىندا ۇلتتىڭ ۇلىق ۇستازى احمەت بايتۇرسىنوۆتىڭ تۇرعانىن ەشقاشان ەستەن شىعارماۋىمىز كەرەك. احمەت اتامىز جوعارىدا اتالعان سول بٸر جيىندا قىرعىز بەن قازاقتىڭ ەكٸ بٶلەك ۇلت ەكەنٸنە نازار اۋدارىپ, ۇلت اتىن جاسىرۋدى ٶتكەن زامان كٶتەرسە دە, ەندٸگٸ تاريحتىڭ ونداي جاڭساقتىقتى قۇپ كٶرمەيتٸنٸن اشىپ ايتتى. سونىڭ ارقاسىندا تاريحي ەدٸلەتتٸلٸك سالتانات قۇرىپ, قايتادان قازاق اتاندىق.
يە, بٸر كەزدەرٸ تٸل, دٸل, دٸن سيياقتى قۇندىلىقتارىمىزبەن بٸرگە اتىمىزدان دا ايىرىلىپ قالا جازداعان زاماندار بولدى. قازٸر سونىڭ بەرٸ ارتتا قالىپ, بٷكٸل ەلەمگە تەۋەلسٸز قازاق ەلٸ رەتٸندە تانىلىپ وتىرمىز.
بٸزدٸڭ ەندٸگٸ باستى مٸندەتٸمٸز – تامىرىڭدى قيىپ, تانىمىڭدى ٶزگەرتٸپ جٸبەرەتٸن قازٸرگٸدەي جاھاندانۋ جاعدايىندا قازاقتىڭ اتىن مەڭگٸلٸككە ساقتاپ, ۇلتىمىزدىڭ وتىن ٶشٸرمەۋ. ول ٷشٸن جاس بۋىننىڭ ساناسىنا ۇلت تاريحىن تەرەڭ سٸڭٸرٸپ, ۇلتتىق كودتان نەر الاتىن قۇندىلىقتاردى دەرٸپتەۋدٸڭ ماڭىزى زور دەپ بٸلەمٸن. تٸپتٸ ەلەمنٸڭ وزىق جاڭالىقتارىنىڭ ۇلتتىق بولمىسىمىزبەن بٸتە قايناسۋىنا دا جاعداي جاساۋىمىز كەرەك.
ەڭ باستىسى, بارلىق ٸس-ەرەكەتٸمٸزدەن قازاقتىعىمىز ايشىقتالىپ, ۇلتتىعىمىز ۇلىقتالىپ تۇرسا يگٸ. ٶيتكەنٸ ۇلت ٷشٸن ٶمٸرٸن قيعان زييالىلارىمىزدىڭ باستى كٶزدەگەنٸ سول بولاتىن.
وسىعان بايلانىستى كەلەسٸ جىلى 95 جىل تولاتىن اتالعان وعيعانىڭ ماڭىزىن ارتتىرىپ, 15 سەۋٸردٸ تاريحي ەدٸلەتتٸلٸك سالتانات قۇرعان كٷن رەتٸندە اتاپ ٶتسەك تە ەش ارتىق ەمەس دەپ ەسەپتەيمٸن.
مۇنداي باستاما «رۋحاني جاڭعىرۋ» باعدارلاماسىن دا جاڭا مازمۇنمەن تولتىرا تٷسەتٸنٸ سٶزسٸز.
مەۋلەن ەشٸمباەۆتىڭ فەيسبۋكتەگٸ جازباسىنان
