ۇلى ابايدىڭ 175 جىلدىعى اياسىندا اقىننىڭ ٶزبەك تٸلٸنە اۋدارىلعان شىعارمالارى مەن شىعىستىڭ عۇلاما شايىرى ەلٸشەر ناۋايدٸڭ قازاق تٸلٸندە جارىق كٶرگەن «حامسا» اتتى كٸتابى كٶپشٸلٸككە تانىستىرىلدى, دەپ حابارلايدى "ۇلت اقپارات" جوعارى پالاتانىڭ باسپاسٶز قىزمەتٸنە سٸلتەمە جاساپ.
كٸتاپتاردىڭ تۇساۋكەسەر رەسٸمٸنە قازاقستان رەسپۋبليكاسى پارلامەنتٸ سەناتىنىڭ تٶراعاسى مەۋلەن ەشٸمباەۆ, ٶزبەكستاننىڭ وليي مەجٸلٸس سەناتىنىڭ تٶرايىمى تانزيلا نارباەۆا, حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ, تٷركييا, ٶزبەكستان, قىرعىزستان ەلدەرٸنٸڭ قازاقستانداعى ەلشٸلەرٸ, مەجٸلٸس دەپۋتاتتارى جەنە بٸرقاتار اقىن-جازۋشى مەن زييالى قاۋىم ٶكٸلدەرٸ قاتىستى.
مەۋلەن ەشٸمباەۆ بۇل كٷننٸڭ قازاق جەنە ٶزبەك ەدەبيەتٸ ٷشٸن, سونداي-اق, تۇتاس تٷركٸ جۇرتى ٷشٸن ماڭىزى زور ەكەنٸن ايتتى.
«اباي قازاقتىڭ عانا اقىنى ەمەس. ول – بارشا ادامزاتقا ورتاق عۇلاما. اقىننىڭ وي-تولعامدارى مەن ٶسيەتٸ بارشا تٷركٸ جۇرتىنا ارنالعان دەسەك تە, ارتىق بولا قويماس. قازٸرگٸدەي سىن-قاتەرلەر زامانىندا بٸز وسىنداي ورتاق قۇندىلىقتارىمىزدى كەڭٸنەن دەرٸپتەۋٸمٸز كەرەك. ەسٸرەسە, جاس بۋىنعا جان- جاقتى ناسيحاتتاساق, تٷركٸ دٷنيەسٸنٸڭ بٸرلٸگٸن نىعايتۋعا قوسىلعان ٷلكەن ٷلەس بولار ەدٸ», – دەدٸ سەنات تٶراعاسى.
سونىمەن قاتار ول اباي مەن ناۋاي مۇرالارىنىڭ رۋحاني ساباقتاستىعىنا نازار اۋداردى.
«شىعىس شايىرلارىنىڭ دارا تۇلعاسى, ەجەلگٸ تٷركٸ ەدەبيەتٸنٸڭ اتاسى ەلٸشەر ناۋايدٸڭ ەڭبەگٸن قازاق تٸلٸنە اۋدارۋدى ماڭىزدى وقيعا دەپ قابىلدايمىز. بۇل – قازاق ەدەبيەتٸنە قوسىلعان قۇندى ٷلەس. اباي ناۋايدٸ ٶزٸنٸڭ رۋحاني ۇستازى ساناپ, ونىڭ ٶلەڭدەرٸنەن تاعىلىم العانىن بەرٸمٸز جاقسى بٸلەمٸز. وسى تۇرعىدان كەلگەندە, ەكٸ بٸردەي كەمەڭگەردٸڭ ەڭبەكتەرٸن
قاتار اۋدارۋدىڭ سيمۆوليكالىق مەنٸ بار», – دەگەن مەۋلەن ەشٸمباەۆ ناۋاي پوەزيياسىنىڭ ماڭىزى مەن ەلەمدٸك ەدەبيەتتەگٸ ورنى تۋرالى دا سٶز قوزعادى.
سالتاناتتى رەسٸم كەزٸندە ٶزبەكستان وليي مەجٸلٸسٸ سەناتىنىڭ تٶرايىمى تانزيلا نارباەۆا, ٶزبەكستاننىڭ قازاقستانداعى تٶتەنشە جەنە ٶكٸلەتتٸ ەلشٸسٸ سايديكرام نييازحودجاەۆ, مەجٸلٸس دەپۋتاتى ساۋىتبەك ابدراحمانوۆ جەنە اقىن نەسٸپبەك ايتۇلى سٶز سٶيلەپ, مۇنداي شارالار تٷركٸ ەلەمٸنٸڭ ىنتىماعىن نىعايتا تٷسەتٸنٸن ايتتى.
«حامسا» – ەلٸشەر ناۋايدٸڭ ەيگٸلٸ بەس داستاننان تۇراتىن ەڭبەگٸ. قازاق تٸلٸندە جارىق كٶرگەن كٸتاپقا «لەيلٸ-مەجٸن» جەنە «ەسكەندٸر قورعانى» اتتى ەكٸ داستان ەنگەن. بۇل شىعارمالاردى كٶنە ٶزبەك تٸلٸنەن قازاقتىڭ بەلگٸلٸ اقىنى نەسٸپبەك ايتۇلى اۋداردى. شالقار شابىتپەن, اسقان شەبەرلٸكپەن تەرجٸمالانعان جاۋھار تۋىندىلار باۋىرلاس ەكٸ ەل اراسىنداعى ەدەبي جەنە مەدەني بايلانىستاردىڭ التىن كٶپٸرٸنە اينالارى سٶزسٸز.
اتالعان يگٸلٸكتٸ ٸسكە حالىقارالىق تٷركٸ اكادەميياسى ۇيىتقى بولدى. وسى رەتتە اكادەمييانىڭ مۇرىندىق بولۋىمەن بۇعان دەيٸن دە بۇل باعىتتا بٸرقاتار ماڭىزدى باستاما جٷزەگە اسىرىلعانىن اتاپ ٶتكەن جٶن.
