فوتو: ru.depositphotos.com
اقپارات جەنە قوعامدىق دامۋ مينيسترٸ دارحان قىدىرەلٸ «ماسس-مەديا» تۋرالى جاڭا زاڭنىڭ جوباسىندا مەملەكەتتٸك تٸلگە قانداي باسىمدىقتار بەرۋ ۇسىنىلىپ وتىرعانىن ايتتى, دەپ حابارلايدى قازاقپارات.
«بۇعان دەيٸن باسپاسٶز تٸلٸ 50/50 قاعيداتىمەن جۇمىس ٸستەگەنٸن بٸلەسٸزدەر. بٸز ونى ٶزگەرتٸپ, قازٸر 70/30 بولسىن دەپ جاتىرمىز. «ماسس-مەديا» تۋرالى جاڭا زاڭ قابىلدانسا, بٷكٸل اقپارات, جالپى ەلٸمٸزدٸڭ بٷكٸل ماسس-مەدياسىنىڭ تٸلٸ 70 پايىزى قازاقشا بولادى», - دەدٸ مينيستر حالىقارالىق «قازاق تٸلٸ» قوعامىنىڭ كەزەكتەن تىس قۇرىلتايىندا.
ۆەدومستۆو باسشىسى مۇنداي تالاپ تٸل تۋرالى دوكترينا جوباسىنا دا ۇسىنىلعانىن اتاپ ٶتتٸ.
«سونىمەن قاتار قازاق تٸلٸ تۋرالى دوكترينا ەزٸرلەنٸپ جاتىر. سول دوكتريناعا دا ەنگٸزدٸك. وسىندا ۆيتسە-مينيستر وتىر. تٸل تۋرالى دوكترينانىڭ ٸشٸنە اقپارات سالاسىندا قازاق تٸلٸنە باسىمدىق بەرۋ تۋرالى ۇسىنىستار ەنگٸزدٸك», - دەدٸ دارحان قىدىرەلٸ.
