قازاقستان رەسپۋبليكاسىنىڭ سىرتقى ٸستەر مينيسترٸ بەيبٸت اتامقۇلوۆ تٷرٸكمەنستاننىڭ تٶراعالىعىمەن مەسكەۋدە ٶتكەن تەۋەلسٸز مەملەكەتتەر دوستاستىعى سىرتقى ٸستەر مينيسترلەرٸ كەڭەسٸنٸڭ كەزەكتٸ وتىرىسىنا قاتىستى.
ٸس-شارا بارىسىندا سىرتقى ساياسي ۆەدومستۆولارىنىڭ باسشىلارى دوستاستىق اياسىنداعى ٶزارا ٸس-قيمىلدىڭ ٶزەكتٸ مەسەلەلەرٸن تالقىلادى. نەگٸزگٸ نازار تمد-عا قاتىسۋشى مەملەكەتتەردٸڭ قازٸرگٸ زامانعى قاۋٸپ-قاتەرلەرگە قارسى تۇرۋ جٶنٸندەگٸ ىنتىماقتاستىعىن نىعايتۋعا, سونداي-اق ەكونوميكالىق, مەدەني-گۋمانيتارلىق جەنە عىلىمي-تەحنيكالىق سالالارداعى ٶزارا ٸس-قيمىلدى كەڭەيتۋگە اۋدارىلدى.
دەلەگاتسييا باسشىلارى 2018 جىلى تمد شەڭبەرٸندە كٶپدەڭگەيلٸ سٸم-ارالىق كونسۋلتاتسييالار جوسپارىن ٸسكە اسىرۋ قورىتىندىلارى تۋرالى ەسەپتٸ تىڭداپ, 2019 جىلعا ارنالعان جاڭا جوسپاردى بەكٸتتٸ. بۇل قۇجاتقا سەيكەس, سىرتقى ساياسي جوسپارلاۋعا, قازٸرگٸ زامانعى قاۋٸپ-قاتەرلەرگە قارسى ٸس-قيمىلعا, قارۋسىزدانۋ تاقىرىبىنا, ەكونوميكالىق ىنتىماقتاستىقتى دامىتۋعا, اقپاراتتىق سالاداعى ٶزارا ٸس-قيمىلعا, سونداي-اق بۇۇ, ەۋروپاداعى قاۋٸپسٸزدٸك جەنە ىنتىماقتاستىق ۇيىمى جەنە ەۋروپا وداعى سيياقتى حالىقارالىق ۇيىمدارمەن ىنتىماقتاستىققا قاتىستى كونسۋلتاتسييالار ٶتكٸزۋ جوسپارلانعان.
«قازاقستان تمد-نىڭ سەنٸمدٸ جەنە بەلسەندٸ قاتىسۋشىسى بولا وتىرىپ, دوستاستىققا قاتىسۋشى مەملەكەتتەر اراسىنداعى ٶزارا تيٸمدٸ ىنتىماقتاستىقتى بارلىق سالالاردا دامىتۋدى جالعاستىرۋعا باعىتتالعانىن» - دەدٸ وتىرىس بارىسىندا ب. اتامقۇلوۆ.
قازاقستان سىرتقى ساياسي ۆەدومستۆوسىنىڭ باسشىسى جٷرگٸزٸلگەن بٸرلەسكەن جۇمىستىڭ ارقاسىندا قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ تمد-نىڭ قازٸرگٸ زامانعى جاعدايلارعا بەيٸمدەلۋٸ تۋرالى باستاماسى تابىستى ٸسكە اسىرىلعانىن اتاپ ٶتتٸ. نەتيجەسٸندە سوڭعى ۋاقىتتا قاتىسۋشى مەملەكەتتەردٸڭ ۇيىم قىزمەتٸنە مٷددەلٸلٸگٸنٸڭ ايتارلىقتاي ٶسۋٸ بايقالادى.
سونىمەن قاتار, دوستاستىققا قاتىسۋشى مەملەكەتتەر باسشىلارىنىڭ نۇسقاۋلارىنا سەيكەس تمد ەلدەرٸنٸڭ ەكونوميكالىق سالاداعى ٶزارا ٸس-قيمىلىن جانداندىرۋ قاجەتتٸلٸگٸ اتاپ ٶتٸلدٸ.
قازاقستان سٸم باسشىسى سونداي-اق تەجٸكستان رەسپۋبليكاسىنىڭ 2018 جىلى دوستاستىقتاعى تٶراعالىعىنىڭ قورىتىندىسىنا جوعارى باعا بەرٸپ, ونىڭ ٶتە مازمۇندى جەنە جەمٸستٸ بولعانىن اتاپ ٶتتٸ. وعان قوسا, قازاقستان تاراپى تٷرٸكمەنستاندى ۇيىمعا تٶراعالىقتىڭ قابىلدانۋىمەن قۇتتىقتاپ, تٷركمەن تاراپى ۇسىنعان تٶراعالىق تۇجىرىمداماسىن تابىستى ٸسكە اسىرۋعا جان-جاقتى جەردەمدەسۋگە دايىن ەكەندٸگٸن بٸلدٸردٸ.
وتىرىس بارىسىندا دەلەگاتسييا باسشىلارى قابىلداۋ باستاماسى تٷركٸمەن تاراپىنا تيەسٸلٸ تمد-عا قاتىسۋشى مەملەكەتتەردٸڭ سىرتقى ساياسي ۆەدومستۆولارى اراسىنداعى ەرٸپتەستٸكتٸ جانداندىرۋ جٶنٸندەگٸ ٸس-قيمىل باعدارلاماسىنىڭ جوباسىن قاراپ, ٸرگەلٸ زەرتتەۋلەر سالاسىنداعى مەملەكەتارالىق قاتىناستاردى ٷيلەستٸرۋ تۋرالى, مۇراجاي ٸسٸ سالاسىنداعى ىنتىماقتاستىق تۋرالى, سونداي-اق تمد جوعارى ورگاندارىنىڭ - مەملەكەت باسشىلارى كەڭەسٸنٸڭ جەنە ٷكٸمەت باسشىلارى كەڭەسٸنٸڭ الداعى وتىرىستارىنا ەنگٸزٸلەتٸن باس بوستاندىعىنان ايىرۋمەن بايلانىستى ەمەس جازالاردىڭ ورىندالۋىن بەرۋ تۋرالى حالىقارالىق شارتتاردىڭ جوبالارىن ماقۇلدادى.
سىرتقى ٸستەر مينيسترلەرٸ 1941-1945 جىلعى ۇلى وتان سوعىسىنىڭ ەسكەري جەرلەۋ ورىندارى مەن ەسكەري ەسكەرتكٸشتەرٸنە تيٸستٸ كٷتٸم جاساۋ جەنە ساقتاۋ قاجەتتٸلٸگٸ تۋرالى ٷندەۋ قابىلدادى, سونداي-اق ەكٸنشٸ دٷنيەجٷزٸلٸك سوعىس باستالۋىنىڭ 80 جىلدىعىنا بايلانىستى تمد-عا قاتىسۋشى مەملەكەتتەر باسشىلارىنىڭ مەلٸمدەمەسٸنٸڭ جوباسىن ماقۇلدادى.
تمد سىرتقى ٸستەر مينيسترلەرٸ كەڭەسٸنٸڭ كەزەكتٸ وتىرىسى اشحابادتا 2019 جىلى 10 قازاندا ٶتەدٸ.
