مەسكەۋدە مەكتەپ وقۋشىلارى 5-18 قازان ارالىعىندا دەمالىسقا جٸبەرٸلەدٸ, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
«قىزمەتٸ مەن قۇزىرەتٸن مەسكەۋ قالاسىنىڭ اتقارۋشى ورگاندارى جٷزەگە اسىراتىن جالپى باستاۋىش, جالپى نەگٸزگٸ, جالپى ورتا, قوسىمشا بٸلٸم بەرەتٸن جەنە سپورتتىق دايىندىق ۇيىمدارىنىڭ وقۋشىلارى ٷشٸن كانيكۋل 2020 جىلدىڭ 5 قازانىنان باستاپ, 18 قازاندى قوسا العانداعى ارالىقتا بەلگٸلەنسٸن», - دەلٸنگەن قۇجات مەتٸنٸندە.
مەسكەۋ مەرٸ سەرگەي سوبيانين ٶز بلوگىندا مەلٸم ەتكەندەي, بۇل رەتتە قالاداعى بالاباقشالار بۇرىنعى رەجيمدە جۇمىس ٸستەۋٸن جالعاستىرا بەرەدٸ. قۇجاتتا اتاپ ٶتٸلگەندەي, دٷيسەنبٸدەن باستاپ بالالاردىڭ بوس ۋاقىتىن ۇيىمداستىرۋعا ارنالعان مەكەمەلەرگە بارۋ ەكٸ اپتاعا توقتاتىلدى.
«قازاننىڭ 5-ٸنەن باستاپ مەسكەۋدٸڭ كٶپتەگەن مەكتەپتەرٸندە جوسپارلى كٷزگٸ كانيكۋل باستالادى. تاعى بٸراز مەكتەپتە ولار سەل كەيٸنٸرەك باستالىپ, ەدەتتە بٸر اپتاعا سوزىلادى. سانيتارلىق دەرٸگەرلەردٸڭ كەڭەسٸ بويىنشا, كٷز مەزگٸلٸندە تۇماۋ اۋرۋىنىڭ ٶرشۋٸ سەبەبٸمەن جەنە كوۆيد ۆيرۋسىنا شالدىعۋ وقيعالارى ٶسٸمٸن ەسەپكە الا وتىرىپ, مەن كٷزگٸ كانيكۋلدى ەكٸ اپتاعا دەيٸن سوزۋ شەشٸمٸن قابىلدادىم», - دەپ تٷسٸندٸردٸ ٶز سٶزٸندە مەسكەۋ مەرٸ.
25 قىركٷيەكتە مەسكەۋ بيلٸگٸ 65 جاستان اسقاندار مەن سوزىلمالى اۋرۋمەن اۋىراتىندار جەنە اياعى اۋىر ەيەلدەرگە ٷيدەن شىقپاۋعا كەڭەس بەرگەن. قالا مەرٸ ٷيدەن شىققان زەينەتكەرلەرگە ايىپپۇل سالماۋعا دا ۋەدە بەرگەن. ٸرٸ كەسٸپورىن قىزمەتكەرلەرٸنە قاشىقتان ٸستەۋگە كەڭەس بەرٸلدٸ. مەسكەۋدە دٷكەندەر مەن قوعامدىق كٶلٸكتە ادامدار ماسكا تاعىپ جٷرۋگە مٸندەتتٸ.
"وتكرىتىە مەديا" سايتىنىڭ جازۋىنشا, كوروناۆيرۋس ينفەكتسيياسىن جۇقتىرعاندار سانىنىڭ كٶبەيۋٸنە بايلانىستى رەسەي بيلٸگٸ كارانتين شارالارىن ەنگٸزۋ مەسەلەسٸن تالقىلاپ جاتىر. ەگەر بٸر كٷندە انىقتالعان ناۋقاستار سانى 10 مىڭنان اسسا جەنە جاڭا ناۋقاستار سانى جازىلعانداردان كٶپ بولسا, كارانتين ەنگٸزٸلەدٸ.
28 قىركٷيەكتە رەسەيدە بٸر كٷندە 8135 ادامنان كوروناۆيرۋس تابىلعان. ماۋسىم ايىنان بەرٸ بٸر كٷندە وسىنشا كٶپ ناۋقاس انىقتالماعان. بٸر كٷندە 61 ادام كوروناۆيرۋستان قايتىس بولعان. ٸندەت باستالعالى بەرٸ 20 385 ادام كٶز جۇمعان. ۆيرۋس جۇقتىرعانداردىڭ جالپى سانى 1,2 ملن-نان اسقان. رەسەي كوروناۆيرۋس اۋرۋىنا شالدىققاندار سانى جاعىنان ەلەمدە اقش, ٷندٸستان, برازيلييادان كەيٸن تٶرتٸنشٸ ورىندا تۇر.
