18 قاڭتاردا كٷندٸز مەسكەۋ تٷبٸندەگٸ حيمكي ەلدٸ مەكەنٸندە كرەمل سىنشىسى الەكسەي ناۆالنىي ٸسٸ بويىنشا سوت تىڭداۋى باستالدى. بۇل تۋرالى ساياساتكەردٸڭ باسپاسٶز حاتشىسى كيرا يارمىش حابارلادى, دەپ جازادى ازاتتىق.
Twitter-دە جارييالانعان ۆيدەودا ناۆالنىي ٶزٸن حيمكي پوليتسيياسىنداعى كامەرادان "ادۆوكاتپەن كەزدەستٸرۋ ٷشٸن" شىعارىپ, بٸردەن سوت زالىنا كٸرگٸزگەنٸنە نارازى بولادى.
"پوليتسييا باستىعىنىڭ ٶتٸنٸشٸ بويىنشا مەنٸ قاماۋعا الۋ مەسەلەسٸ قارالايىن دەپ جاتىر. حيمكي سوتى نە ٷشٸن پوليتسييادا ٶتٸپ جاتىر? نەگە [سوت جايلى] ەشكٸمگە حابارلاماعان? ... "بۋنكەردەگٸ اتانىڭ" دٸرٸلدەپ قالتىرايتىنى سونشا قىلمىستىق كودەكستٸ جۇرتتىڭ كٶزٸنشە جىرتىپ, قوقىس جەشٸگٸنە لاقتىرا سالعان سيياقتى. بۇل زاڭسىزدىقتىڭ سوراقى تٷرٸ. باسقاشا ايتۋ مٷمكٸن ەمەس" دەدٸ ناۆالنىي. ودان كەيٸن جارييالاعان ۆيدەودا ناۆالنىي سوت پروتسەسٸنە جۋرناليستەردٸ كٸرگٸزۋدٸ تالاپ ەتەدٸ.
الەكسەي ناۆالنىي 17 قاڭتاردا كەشكە گەرمانييادان مەسكەۋگە ۇشىپ كەلگەن. مەسكەۋدٸڭ شەرەمەتەۆو ەۋەجايىندا كٷشتٸك قۇرىلىمدار ونى بٸردەن ۇستادى.
زاڭگەرلەر 18 قاڭتاردا ٶزدەرٸن پوليتسيياعا كٸرگٸزبەي جاتقانىن, وپپوزيتسييالىق ساياساتكەردٸڭ جاعدايىنان حابارسىز ەكەنٸن مەلٸمدەگەن.
رەسەي قىلمىستىق جازانى اتقارۋ فەدەرالدىق قىزمەتٸ (فسين) ناۆالنىيدى ۇستاعانىن راستادى. فسين حابارلاماسىندا ناۆالنىي 2014 جىلى شىققان سوت ٷكٸمٸ بويىنشا شارتتى جازانى ورىنداۋ ەرەجەلەرٸن "بٸرنەشە رەت" بۇزدى, "باقىلاۋ ينسپەكتورلارىنان جالتاردى" دەپ جازىلعان.
زاڭگەرلەر ناۆالنىيدى "شارتتى جازانى ورىنداماعانى ٷشٸن" 3,5 جىلعا سوتتاۋى مٷمكٸن ەكەنٸن ايتادى.
ناۆالنىي 2014 جىلى 30 جەلتوقساندا 3,5 جىلعا شارتتى تٷردە سوتتالعان. وعان "الاياقتىق" بابى بويىنشا ايىپ تاعىلدى. ناۆالنىي تاعىلعان ايىپتى جوققا شىعاردى. قۇقىق قورعاۋشىلار ٸستٸڭ ساياسيلانعانىن ايتقان.
17 قاڭتاردا حالىقارالىق Amnesty International ۇيىمى الەكسەي ناۆالنىيدى ار-ۇجدان تۇتقىنى دەپ اتاپ, مەسكەۋدەن ونى دەرەۋ بوساتۋدى تالاپ ەتتٸ. اقش جەنە ەۋرووداق رەسەيگە سوعان ۇقساس تالاپ قويدى.
رەسەيدٸڭ وپپوزيتسييالىق ساياساتكەرٸ ٶتكەن جىلدىڭ تامىزىندا تومسكٸدەن مەسكەۋگە جول تارتقان ۇشاقتا حەلٸ كٷرت ناشارلاپ, ەسٸنەن تانعان. ۇشاق ەكيپاجى شۇعىل تٷردە ومبى قالاسىنا قونىپ, سول جەردەن ونى جەدەل جەردەم قىزمەتٸ جەرگٸلٸكتٸ اۋرۋحانعا الىپ كەتكەن. ەكٸ كٷننەن سوڭ ول ەس-تٷسسٸز كٷيٸ گەرمانيياعا جەتكٸزٸلگەن. قىركٷيەكتٸڭ باسىندا گەرمانييا ٷكٸمەتٸ ناۆالنىيدىڭ دەنەنسٸنەن "نوۆيچوك" ۋىنىڭ ٸزٸن انىقتاعان. كەيٸنٸرەك تەۋەلسٸز زەرتحانالار ساياساتكەردەن الىنعان ٷلگٸدە ۋدىڭ بارىن راستاعان.
ناۆالنىي ٶزٸن ۋلاۋعا كرەملدٸڭ تٸكەلەي قاتىسى بار دەپ سانايدى. ال كرەمل مۇنى جوققا شىعارادى.
