20 اقپان كٷنٸ مەسكەۋ سوتى سوعىس ارداگەرٸ يگنات ارتەمەنكوعا جالا جابۋ ٸسٸ بويىنشا كرەمل سىنشىسى الەكسەي ناۆالنىيعا 850 مىڭ رۋبل (شامامەن 4,8 ميلليون تەڭگە) ايىپپۇل سالدى.
بىلتىر جازدا بيلٸكشٸك Russia Today تەلەارناسى رەسەي كونستيتۋتسيياسىن ٶزگەرتۋدٸ قولدايتىن روليك جارييالاپ, وندا ەكٸنشٸ دٷنيەجٷزٸلٸك سوعىس ارداگەرٸ يگنات ارتەمەنكونىڭ سٶزٸ بەرٸلگەن. وپپوزيتسييالىق ساياساتكەر وسى روليكتٸ سىناي وتىرىپ, وعان تٷسكەن ادامداردى "پاراقور مالايلار مەن ساتقىندار" دەپ اتاعان. بيلٸك ساياساتكەردٸڭ سٶزٸن سوعىس ارداگەرٸنە جالا جابۋ دەپ باعالاپ, ٸس قوزعاعان.
سۋديا ۆەرا اكيموۆا اياقتالعان تىڭدالىمداردىڭ ماتەريالدارىن مەسكەۋ تەرگەۋ كوميتەتٸنە جولداۋ تۋرالى شەشٸم قابىلداعانىن مەلٸمدەدٸ. ونىڭ سٶزٸنشە, تەرگەۋ كوميتەتٸ ناۆالنىيدىڭ سوت پروتسەسٸ كەزٸندەگٸ "قورلاۋ سٶزدەرٸن" تەكسەرۋٸ تيٸس.
سول كٷنٸ مەسكەۋ قالالىق سوتى سيمونوۆ اۋداندىق سوتىنىڭ ناۆالنىيدىڭ 2014 جىلعى ٸسٸ بويىنشا كەسٸلگەن شارتتى جازاسىن تٷرمە جازاسىنا اۋىستىرۋ تۋرالى شەشٸمٸن كٷشٸندە قالدىردى. بۇل تۋرالى ازاتتىق راديوسى ورىس قىزمەتٸنٸڭ تٸلشٸسٸ حابارلادى.
مەسكەۋ قالالىق سوتى ناۆالنىيدىڭ ٷيقاماقتا ٶتكٸزگەن ۋاقىتىن, "ماتروسسكايا تيشينا" تەرگەۋ اباقتىسىندا ٶتكٸزگەن بٸر ايىن ەسكەرٸپ, وپپوزيتسيونەردٸڭ مەرزٸمٸن 2 جىل 5 ايعا دەيٸن قىسقارتتى.
2014 جىلى سوت الەكسەي ناۆالنىيعا الاياقتىق جاساعان دەگەن ايىپپەن 3,5 جىلعا شارتتى جازا كەسٸپ, بەس جىلعا سىناق مەرزٸمٸن (كەيٸن ونى تاعى بٸر جىلعا ۇزارتقان) تاعايىنداعان. 2021 جىلعى اقپاندا سوت رەسەي فەدەرالدىق جازانى اتقارۋ قىزمەتٸنٸڭ سۇراۋى بويىنشا ناۆالنىيدىڭ شارتتى جازاسىن قاماۋ جازاسىنا اۋىستىرۋدى ۇيعارعان. فەدەرالدىق قىزمەت ساياساتكەردٸڭ جازانى ٶتەۋ شارتىن بۇزىپ, بوي جاسىرعانىن ايتادى. الەكسەي ناۆالنىي 2020 جىلعى 20 تامىزدا تومسكٸدەن مەسكەۋ بارا جاتقان ۇشاقتىڭ بورتىندا ەسٸنەن تانىپ, الدىمەن ومبى اۋرۋحاناسىنا, كەيٸن گەرمانيياداعى "شاريتە" كلينيكاسىنا جەتكٸزٸلگەن. ساياساتكەر قىركٷيەكتٸڭ باسىندا كومادان شىعىپ, ەسٸن جيدى, ودان كەيٸن بٸرنەشە ايدا گەرمانييادا جٷرٸپ ساۋىقتىرۋ ەمٸن قابىلدادى.
