بٷگٸن «نۇر وتان» پارتيياسى ساياسي كەڭەسٸنٸڭ كەڭەيتٸلگەن وتىرىسىندا بيۋرو قۇرامىندا ٶزگەرٸستەر ورىن الدى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«پارتييا جارعىسىنا سەيكەس ەگەر پارتييا مٷشەسٸ قۇقىق قورعاۋ ورگاندارىنا اۋىساتىن بولسا, وندا ول پارتييادان شىعارىلادى. سوندىقتان مەسٸموۆ ۇقك تٶراعاسى بولىپ تاعايىندالعاننان كەيٸن بيۋرو قۇرامىنان شىعارىلدى. ونىڭ ورنىنا جاقسىبەكوۆ قوسىلىپ, كانديداتۋراسىن ساياسي كەڭەس مٷشەلەرٸ بٸراۋىزدان قولدادى», - دەدٸ وتىرىستان كەيٸن باق ٶكٸلدەرٸنە سۇحبات بەرگەن «نۇر وتان» پارتيياسىنىڭ حاتشىسى قانىبەك جۇماشەۆ.
سونىمەن قاتار ول ساياسي بيۋرو قۇرامىنان قر پرەمەر-مينيسترٸنٸڭ ورىنباسارى-اۋىل شارۋاشىلىعى مينيسترٸ اسقار مىرزاحمەتوۆتٸڭ دە شىعارىلعاندىعىن ايتتى.
«ول ٷكٸمەتتەگٸ جۇمىسىنا باسا نازار اۋدارۋى تيٸس بولدى. سوندىقتان بيۋرو قۇرامىنان شىعارىلدى. بٸراق, ساياسي كەڭەستە قالادى», - دەدٸ ول.
قانىبەك جۇماشەۆ باق ٶكٸلدەرٸنٸڭ كەرٸم مەسٸموۆ «نۇر وتان» پارتيياسىنىڭ مٷشەسٸ بولىپ قالا بەرە مە دەگەن ساۋالىنا دەل قازٸرگٸ ۋاقىتتا جاۋاپ بەرە المايتىندىعىن ايتتى. «ونى قازٸر تەكسەرۋ قاجەت. بٸزدە پارتييا مٷشەلەرٸنٸڭ ارنايى بازاسى بار. بۇل بازانى ەربٸر باستاپقى پارتييالىق ۇيىم قاداعالاپ وتىرادى. دەگەنمەن, ونىڭ ساياسي بيۋرو قۇرامىنان شىعارىلۋى, ونىڭ قۇقىق قورعاۋ ورگاندارىنا جۇمىسقا اۋىسۋى پارتييا قاتارىنان شىعارىلدى دەگەندٸ بٸلدٸرسە كەرەك», - دەدٸ پارتييا حاتشىسى.
ونىڭ دەرەگٸنشە, پارتييانىڭ ساياسي كەڭەسٸنە ەلٸمٸزدٸڭ بارلىق ٶكٸلدەرٸنٸڭ ٶكٸلدەرٸنەن جاساقتالعان 100 ادام مٷشە. ال ساياسي بيۋروعا اتالعان ساياسي كەڭەستەن مٷشەلەر سايلانادى.
