بيىل ماس جٷرگٸزۋشٸلەردٸڭ كەسٸرٸنەن 31 ادام قازا تاپتى. بۇل تۋرالى قر ٸٸم ەكٸمشٸلٸك پوليتسييا كوميتەتٸنٸڭ باسقارما باستىعى اسقار تەجەنوۆ مەلٸم ەتتٸ, دەپ حابارلايدى قازاقپارات.
«2019 جىلى مەملەكەت باسشىسى كٶلٸك قۇرالىن ماس كٷيدە باسقارعانى ٷشٸن جاۋاپكەرشٸلٸكتٸ كٷشەيتۋ تۋرالى تاپسىرما بەردٸ. تيٸستٸ زاڭ 2020 جىلدىڭ 11 قاڭتارىندا كٷشٸنە ەندٸ. تولىقتاي العاندا, قابىلدانعان زاڭ ەرەجەلەرٸمەن ماس كٷيدە كٶلٸك جٷرگٸزگەنٸ ٷشٸن ەكٸمشٸلٸك جەنە قىلمىستىق جاۋاپكەرشٸلٸك كٷشەيتٸلدٸ. وسى جىلدىڭ 5 ايىندا رەسپۋبليكا جولدارىندا ماس كٷيدەگٸ جٷرگٸزۋشٸلەردٸڭ كٸنەسٸنەن 149 جول-كٶلٸك وقيعاسى تٸركەلدٸ. 208 ادام جاراقاتتانىپ, 31 ادام قازا تاپتى», - دەدٸ ول.
ونىڭ اتاپ ٶتۋٸنشە, بٷگٸندە ەلٸمٸزدە كٶلٸك قۇرالىن جٷرگٸزۋ قۇقىعىنان ايىرۋ مەرزٸمٸ ايتارلىقتاي ۇزارتىلدى. مەسەلەن, بۇعان دەيٸن كٶلٸكتٸ ماس كٷيدە جٷرگٸزگەن ازامات بٸرٸنشٸ رەت ۇستالعاندا 3 جىلعا كٶلٸك باسقارۋ قۇقىعىنان ايىرىلاتىن. ەندٸگٸ ۋاقىتتا بۇل مەرزٸم 7 جىلعا ۇزارتىلدى. بۇعان قوسا ەكٸمشٸلٸك تۇتقىنعا الۋ ەنگٸزٸلدٸ.
«ەندٸگٸ ۋاقىتتا ماس جٷرگٸزۋشٸ العاش رەت ۇستالسا دا كٶلٸك جٷرگٸزۋ قۇقىعىنان ايىرىلىپ قانا قويماي, 15 تەۋلٸككە ەكٸمشٸلٸك قاماۋعا الىنادى», - دەدٸ اسقار تەجەنوۆ.
