Biyl mas júrgizýshilerdiń kesirinen 31 adam qaza tapty. Bul týraly QR IIM Ákimshilik politsiia komitetiniń basqarma bastyǵy Asqar Tájenov málim etti, dep habarlaidy QazAqparat.
«2019 jyly Memleket basshysy kólik quralyn mas kúide basqarǵany úshin jaýapkershilikti kúsheitý týraly tapsyrma berdi. Tiisti zań 2020 jyldyń 11 qańtarynda kúshine endi. Tolyqtai alǵanda, qabyldanǵan zań erejelerimen mas kúide kólik júrgizgeni úshin ákimshilik jáne qylmystyq jaýapkershilik kúsheitildi. Osy jyldyń 5 aiynda respýblika joldarynda mas kúidegi júrgizýshilerdiń kinásinen 149 jol-kólik oqiǵasy tirkeldi. 208 adam jaraqattanyp, 31 adam qaza tapty», - dedi ol.
Onyń atap ótýinshe, búginde elimizde kólik quralyn júrgizý quqyǵynan aiyrý merzimi aitarlyqtai uzartyldy. Máselen, buǵan deiin kólikti mas kúide júrgizgen azamat birinshi ret ustalǵanda 3 jylǵa kólik basqarý quqyǵynan aiyrylatyn. Endigi ýaqytta bul merzim 7 jylǵa uzartyldy. Buǵan qosa ákimshilik tutqynǵa alý engizildi.
«Endigi ýaqytta mas júrgizýshi alǵash ret ustalsa da kólik júrgizý quqyǵynan aiyrylyp qana qoimai, 15 táýlikke ákimshilik qamaýǵa alynady», - dedi Asqar Tájenov.
