ەلٸمٸزگە قاراماي, وسى تٶڭٸرەكتەگٸ مەسەلەلەردٸ قاشاننان-اق قوزعاپ جٷرمٸز عوي. «كٶكساندىعىڭىزدىڭ» (تەلەديدار) كٶپ بولسا وتىز پايىزى عانا پايدالى, قالعانى قاس دۇشپاننان بەتەر. دەدٸك. باياعىدا. عالامتورىڭىز ارامتورلانىپ الىپ, سانالاردى جاپپاي جاۋلاي باستاعاندا, «ٶركەنيەت پەن كٶركەمنيەت» دەگەندٸ مەنٸستەدٸك. شىرىلداپ. ٶكٸنٸشكە قاراي, بٸز پاقىرىڭىزدىڭ شىرىل-پىرىلىمىز كٸمگە دەرٸ…
مارحابات بايعۇت,
جازۋشى
عالامتوردىڭ ارامتورلىعىن ايتۋشىلار ارامتەر. جازىلىپ تا جاتىر. امال قانشا. قازٸرگٸ كەزەڭدەگٸ كەسەلدەردٸڭ, كەسٸر-كەساپاتتاردىڭ بەرٸ كٶركەمدٸك-ەستەتيكالىق تەلٸم-تەربيەنٸڭ كەرٸ كەتۋٸنەن. ينتەرنەت يتەرمەلەپ يتجٷرەكتەندٸردٸ. بٸرنەشە ۇرپاقتى. سايتتار سانالاردى جاۋلاپ, ۋلاپ جاتىر. كٸتاپتان, كٶركەم ەدەبيەتتەن ەدەيٸلەپ بەزٸندٸرۋ بار. دەگەنمەن…
وڭتٷستٸكتە سٶزدەن ٸسكە كٶشۋدٸڭ ەجەپتەۋٸر ەرەكەتتەرٸ بايقالادى. وبلىستىق «وتىرار» كٸتاپحاناسىندا «وقىرماندار وتاۋى» جۇمىس ٸستەيدٸ. وسى وتاۋدىڭ باتىل باستامالارىن پۋشكين اتىنداعى وبلىستىق جەنە اباي اتىنداعى قالالىق كٸتاپحانالار قولداپ, جالعاستىرىپ ەكەتەدٸ. ٷشەۋٸنٸڭ ٷيلەسٸمدٸ تٸرلٸگٸن قايرات رىسقۇلبەكوۆ اتىنداعى جاسٶسپٸرٸمدەر جەنە ىبىراي التىنسارين اتىنداعى بالالار كٸتاپحانالارى دا قولداپ, قۋاتتاپ وتىرادى. وسىلايشا بٸرنەشە جوعارى جەنە ارناۋلى ورتا وقۋ ورىندارى, ونداعان مەكتەپتەر كٶركەم ەدەبيەتكە, كٸتاپقا بٸرتە-بٸرتە بەتبۇرىس جاساۋدا. تٷلكٸباس اۋدانىندا تٶرت-بەس جىلدان بەرٸ ارنايى وقۋلار ۇيىمداستىرىلىپ كەلەدٸ.
ەگەر ەرەن ەڭبەكتەن, تالاپشىلدىقتان قاشپاسا, شىنايى قۇلشىنىس بولسا, كٸتاپحاناشىلار مەن مۇعالٸمدەر اعارتۋشىلىق پارىزدارىن پاتريوتتىقپەن سەزٸنسە, بالالاردى باۋراي بٸلسە, بٸراز نەرسەلەر تىندىرا الادى ەكەن. قۇرى بوسقا قۇرىدىق دەي بەرسەك, قۇردىمعا كەتۋٸمٸز مٷمكٸن.
بٸر كەزدەرٸ كازگۋ-ٸڭٸزدٸڭ فيلولوگييا فاكۋلتەتٸندەگٸ ساگالوۆيچ دەيتۇعىن سۇلۋ اپايىمىز اتاقتى شىعارمالاردى كينوفيلمدەر بويىنشا زاۋلاتاتىندارعا «ەكٸ» قويىپ, كٸتاپتان وقىعانى بٸلٸنٸپ تۇراتىندارعا ريياسىز ريزالىق تانىتاتىن. دەل قازٸر بارلىق مەكتەپتەر مەن ٶزگە دە وقۋ ورىندارىندا تاپ وسىنداي تالاپ قويۋ قاجەت-اق. قىتايدا, ت.ب. بٸرقاتار ەلدەردە عالامتوردىڭ ارامتورلىعىنا شەكتەۋ قوياتىن زاڭدار قابىلدانعالى قاشان. قازاقتىڭ قوزعالار تٷرٸ جوق.
بٸز تاعى دا بٸرازىراق بۇرىن, ەلٸمٸزگە قاراماي, «ابايدى وقى, ورىندا!» دەگەن مەسەلە كٶتەردٸك. حاكٸمنٸڭ: «…بارلىق نەرسەنٸڭ دە ٶلشەۋٸ بار. ٶلشەۋٸنەن اسىرسا, بوعى شىعادى» دەگەنٸن ەڭ الدىمەن جٷزەلەۋگە تيٸسپٸز. ينتەرنەت جٶنٸندە دە سٶزدەن ٸسكە كٶشپەسەك, بوققا باتقانىمىز – باتقان.
