ماريۋپولدە قورشاۋدا قالعان ۋكراين ەسكەرٸ رەسەي قورعانىس مينيسترلٸگٸنٸڭ قارۋ-جاراقتى تاستاپ, تۇتقىنعا بەرٸلۋ تالابىنا مويىنسۇنبايتىنىن مەلٸمدەگەن. بۇل تۋرالى 17 سەۋٸردە ۋكراينا پرەمەر-مينيسترٸ دەنيس شمىگال حابارلادى. ونىڭ سٶزٸنشە, ماريۋپولدٸڭ كەي جەرٸن ۋكراين ەسكەرٸ باقىلاۋدا ۇستاپ وتىر.
بۇعان دەيٸن رەسەي "ازوۆستال" مەتاللۋرگييا كومبيناتى اۋماعىنا بەكٸنگەن ۋكراينا كٷشتەرٸ قورشاۋدا قالعان, شابۋىل كەزٸندە تەڭٸز جاياۋ ەسكەرٸنٸڭ 36-بريگاداسىنىڭ كومانديرٸ, ۋكراينا باتىرى ۆلاديمير بارانيۋك قازا تاپقان دەپ حابارلاعان. كيەۆ ەزٸرگە بۇل اقپاراتتى راستاعان جوق.
رەسەي ەسكەرٸ مەن "دونەتسك حالىق رەسپۋبليكاسى" سەپاراتيستٸك قۇرىلىمىنىڭ كٷشتەرٸ ماريۋپولدٸ ناۋرىزدىڭ باسىندا قورشاپ العان. ولار سودان بەرٸ ۋكرايندىق "ازوۆ" باتالونى مەن ۋكراينالىق تەڭٸز جاياۋ ەسكەرٸنٸڭ 36-بريگاداسىنىڭ ٷش مىڭعا جۋىق ەسكەرٸنەن "ازات ەتتٸك" دەپ جاتىر. بريگادانىڭ بٸراز ساربازى بٸرنەشە كٷن بۇرىن تۇتقىنعا بەرٸلگەنٸ تۋرالى اقپارات تاراعان.
ۋكراينا بيلٸگٸنٸڭ حابارلاۋىنشا, رەسەي ەسكەرٸنٸڭ شابۋىلىنان ماريۋپولدەگٸ عيماراتتاردىڭ 90 پايىزى قيراعان. قانشا بەيبٸت تۇرعىن قازا تاپقانىن انىقتاۋ ەزٸرشە مٷمكٸن ەمەس, بٸراق كۋەگەرلەر مىڭداعان ادام مەرت بولعان دەيدٸ.
