قازان ايىنىڭ سوڭعى ەكٸ اپتاسىندا وقۋشىلار اراسىندا سىرقاتتانۋ 1,3 ەسە تٶمەندەگەن. ٷكٸمەت وتىرىسىندا قر دەنساۋلىق ساقتاۋ مينيسترٸنٸڭ بٸرٸنشٸ ورىنباسارى مارات شورانوۆ وسىنداي مەلٸمەت كەلتٸردٸ, دەپ حابارلايدى قازاقپارات.
«مەكتەپكە دەستٷرلٸ فورماتتا باراتىن وقۋشىلار اراسىندا 15 028 جاعداي تٸركەلدٸ. ونىڭ ٸشٸندە بايلانىستا بولعان ادامدار اراسىندا – 1 317 ناۋقاس انىقتالدى. بۇل اۋىرعان وقۋشىلاردىڭ جالپى سانىنىڭ 8,7 پايىزىنا تەڭ.
قازان ايىنىڭ سوڭعى ەكٸ اپتاسىندا وقۋشىلار اراسىندا سىرقاتتانۋ 1,3 ەسە تٶمەندەدٸ», - دەدٸ مينيستردٸڭ بٸرٸنشٸ ورىنباسارى.
ونىڭ سٶزٸنە قاراعاندا, پاۆلودار, اقمولا, ماڭعىستاۋ, تٷركٸستان وبلىستارىندا سىرقاتتانۋدىڭ 1,4 ەسەگە دەيٸن ٶسۋٸ بايقالىپ وتىر.
«وشاقتاردا 159 مىڭ بايلانىستا بولعان ادام انىقتالدى. ونىڭ ٸشٸندە 0,8 پايىزىندا (1317) COVID-19-دىڭ وڭ نەتيجەسٸ تٸركەلدٸ», - دەدٸ مارات شورانوۆ.
ايتا كەتەيٸك, ٷكٸمەت وتىرىسىندا پرەمەر-مينيستر اسقار مامين ٶڭٸرلەردٸڭ بەرٸندە كوروناۆيرۋسقا قارسى شەكتەۋ شارالارىن قامتاماسىز ەتۋدٸ تاپسىردى.
«جالپى ەپيدەميولوگييالىق جاعداي جاقسارىپ كەلەدٸ. بارلىق ٶڭٸرلەردە ۆيرۋس جۇقتىرۋ دەڭگەيٸ, اۋىر جاعدايداعى ناۋقاستاردىڭ, ستاتسيونارلىق جەنە امبۋلاتورييادا ەم الىپ جٷگەندەردٸڭ سانى ازايدى. الماتى جەنە نۇر-سۇلتان قالالارى «قىزىل» ايماقتان شىقتى. قازٸر وندا تاعى تٶرت ٶڭٸر قالدى. «سارى» ايماقتا – 4, «جاسىل» ايماقتا – 9 وبلىس بار. دەگەنمەن كٶرشٸ ەلدەردەگٸ جاعدايدى دا ەسكەرۋ كەرەك. بارلىق ٶڭٸرلەردە شەكتەۋ شارالارىن قامتاماسىز ەتۋ قاجەت. مونيتورينگ توپتارى كٷشەيتٸلگەن رەجيمدە جۇمىس ٸستەۋگە تيٸس», - دەدٸ ول ٷكٸمەت وتىرىسىندا.
