Qazan aiynyń sońǵy eki aptasynda oqýshylar arasynda syrqattaný 1,3 ese tómendegen. Úkimet otyrysynda QR Densaýlyq saqtaý ministriniń birinshi orynbasary Marat Shoranov osyndai málimet keltirdi, dep habarlaidy QazAqparat.
«Mektepke dástúrli formatta baratyn oqýshylar arasynda 15 028 jaǵdai tirkeldi. Onyń ishinde bailanysta bolǵan adamdar arasynda – 1 317 naýqas anyqtaldy. Bul aýyrǵan oqýshylardyń jalpy sanynyń 8,7 paiyzyna teń.
Qazan aiynyń sońǵy eki aptasynda oqýshylar arasynda syrqattaný 1,3 ese tómendedi», - dedi ministrdiń birinshi orynbasary.
Onyń sózine qaraǵanda, Pavlodar, Aqmola, Mańǵystaý, Túrkistan oblystarynda syrqattanýdyń 1,4 esege deiin ósýi baiqalyp otyr.
«Oshaqtarda 159 myń bailanysta bolǵan adam anyqtaldy. Onyń ishinde 0,8 paiyzynda (1317) COVID-19-dyń oń nátijesi tirkeldi», - dedi Marat Shoranov.
Aita keteiik, Úkimet otyrysynda Premer-Ministr Asqar Mamin óńirlerdiń bárinde koronavirýsqa qarsy shekteý sharalaryn qamtamasyz etýdi tapsyrdy.
«Jalpy epidemiologiialyq jaǵdai jaqsaryp keledi. Barlyq óńirlerde virýs juqtyrý deńgeii, aýyr jaǵdaidaǵy naýqastardyń, statsionarlyq jáne ambýlatoriiada em alyp júgenderdiń sany azaidy. Almaty jáne Nur-Sultan qalalary «qyzyl» aimaqtan shyqty. Qazir onda taǵy tórt óńir qaldy. «Sary» aimaqta – 4, «jasyl» aimaqta – 9 oblys bar. Degenmen kórshi elderdegi jaǵdaidy da eskerý kerek. Barlyq óńirlerde shekteý sharalaryn qamtamasyz etý qajet. Monitoring toptary kúsheitilgen rejimde jumys isteýge tiis», - dedi ol Úkimet otyrysynda.
