بەلگٸلٸ قۇقىقتانۋشى, ۇلتتىق قوعامدىق سەنٸم كەڭەسٸنٸڭ مٷشەسٸ مەملەكەت باسشىسىنىڭ كارانتين تەرتٸبٸن ۇزارتۋ تۋرالى شەشٸمٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«كارانتين 1 مامىرعا دەيٸن ۇزارتىلدى. بۇل دۇرىس شەشٸم. ەيتپەسە كارانتيندٸ توقتاتۋ كەرەك, وتىرۋدان شارشادىق دەگەندەي ەڭگٸمەلەر تاراي باستادى ەلەۋمەتتٸك جەلٸدە. بٸراق ۆيرۋستىڭ شارىقتاۋ شەگٸ, بٸزدە دە, كٶرشٸلەرٸمٸزدە دە, ەلەمنٸڭ كەز كەلگەن نٷكتەسٸندە ٶتكەن دە جوق. سوندىقتان بەيقامدىق ەلٸ دە ٶمٸرگە قاۋٸپ تٶندٸرەدٸ. دەل وسى رەتتە پرەزيدەنت قاسىم-جومارت توقاەۆتىڭ سٶزٸ دەل ايتىلىپ وتىر», - دەپ جازادى قۇقىقتانۋشى Facebook-تەگٸ پاراقشاسىندا.
زاڭگەردٸڭ پٸكٸرٸنشە, حالىق قاۋٸپسٸزدٸكتٸ ساقتاي بٸلۋٸ تيٸس. سەبەبٸ كەيبٸر ٶڭٸردە كوروناۆيرۋستى جۇقتىرعانداردىڭ سانى ارتىپ بارادى.
«مەملەكەت باسشىسى ٶز سٶزٸنٸڭ سوڭىندا تۋرا ايتتى: كارانتين كەزٸندە ادامداردان ٷيدەن بولۋىن تالاپ ەتەمٸز دەدٸ. ەلبەتتە ٷيدە وقشاۋلانۋ ادامدار ٷشٸن وڭايعا تٷسٸپ تۇرعان جوق. بٸراق پرەزيدەنت ايتقانداي, باسقا شارا دا جوق», - دەيدٸ ول.
ەسكە سالا كەتسەك بۇعان دەيٸن قر پرەزيدەنتٸنٸڭ باسپاسٶز حاتشىسى بەرٸك ۋەلي قاسىم-جومارت توقاەۆتىڭ تٶراعالىعىمەن تٶتەنشە جاعداي جٶنٸندەگٸ مەملەكەتتٸك كوميسسييانىڭ وتىرىسىندا تج رەجيمٸن سەۋٸردٸڭ اياعىنا دەيٸن سوزۋدى تاپسىرعانىن حابارلاعان ەدٸ.
