فوتو: lada.kz
ماڭعىستاۋدا جول بەرمەگەنٸ ٷشٸن اشۋعا بۋلىققان كٶلٸك جٷرگٸزۋشٸلەرٸ بٸر-بٸرٸمەن جانجالداسىپ, ارتىنشا بٸرٸ ەكٸنشٸسٸن ۇرىپ ٶلتٸرگەن, - دەپ حابارلايدى Tengrinews.kz تٸلشٸسٸ "لاداعا" سٸلتەمە جاساپ.
وقيعا 22 شٸلدەدە ساعات 20:15 شاماسىندا مۇنايلى اۋدانىنىڭ جاڭا دەۋلەت كەنتٸندە بولعان.
ماڭعىستاۋداعى وبلىستىق ٸشكٸ ٸستەر دەپارتامەنتٸ باسپاسٶز قىزمەتٸ مەلٸمەتٸنشە, 35 جاستاعى كٷدٸكتٸ 67 جاستاعى ەر ادامدى دەنە جاراقاتىمەن جول جيەگٸنە تاستاپ كەتكەن.
"الدىن الا بولجام بويىنشا, ەكٸ جٷرگٸزۋشٸ بٸر-بٸرٸنە جول بەرمەي, ارالارىندا جانجال تۋىنداعان. كٷدٸكتٸ ەموتسيياعا بوي الدىرىپ, كٶلٸكتەن شىعىپ, 67 جاستاعى جٷرگٸزۋشٸنٸ ۇرىپ-سوققان. العان جاراقاتتارىنان كەيٸن جەبٸرلەنۋشٸ سول جەردە قازا بولدى. وسىعان بايلانىستى قىلمىستىق كودەكستٸڭ 99-بابى 2-بٶلٸگٸ بويىنشا سوتالدى تەرگەۋ باستالدى", - دەلٸنگەن باسپاسٶز قىزمەتٸ حابارلاماسىندا.
قازٸر كٷدٸكتٸگە قاتىستى ەكٸ اي مەرزٸمگە كٷزەتپەن ۇستاۋ تٷرٸندەگٸ بۇلتارتپاۋ شاراسى تاعايىندالدى. تەرگەۋ امالدارى ەلٸ جالعاسىپ جاتىر.
