Foto: lada.kz
Mańǵystaýda jol bermegeni úshin ashýǵa býlyqqan kólik júrgizýshileri bir-birimen janjaldasyp, artynsha biri ekinshisin uryp óltirgen, - dep habarlaidy Tengrinews.kz tilshisi "Ladaǵa" silteme jasap.
Oqiǵa 22 shildede saǵat 20:15 shamasynda Munaily aýdanynyń Jańa Dáýlet kentinde bolǵan.
Mańǵystaýdaǵy oblystyq Ishki ister departamenti baspasóz qyzmeti málimetinshe, 35 jastaǵy kúdikti 67 jastaǵy er adamdy dene jaraqatymen jol jiegine tastap ketken.
"Aldyn ala boljam boiynsha, eki júrgizýshi bir-birine jol bermei, aralarynda janjal týyndaǵan. Kúdikti emotsiiaǵa boi aldyryp, kólikten shyǵyp, 67 jastaǵy júrgizýshini uryp-soqqan. Alǵan jaraqattarynan keiin jábirlenýshi sol jerde qaza boldy. Osyǵan bailanysty Qylmystyq kodekstiń 99-baby 2-bóligi boiynsha sotaldy tergeý bastaldy", - delingen baspasóz qyzmeti habarlamasynda.
Qazir kúdiktige qatysty eki ai merzimge kúzetpen ustaý túrindegi bultartpaý sharasy taǵaiyndaldy. Tergeý amaldary áli jalǵasyp jatyr.
