ٷكٸمەت كوميسسيياسىنىڭ مٷشەلەرٸ سۇيىتىلعان گاز باعاسىن تٶمەندەتۋدٸ تالاپ ەتكەن باستاماشىل توپپەن كەزدەسۋ ٶتكٸزۋدە, دەپ حابارلايدى "ۇلت اقپارات" primeminister.kz سٸلتەمە جاساپ.
جيىنعا قاتىسۋشىلار قوعامدىق قاۋٸپسٸزدٸكتٸ ساقتاي وتىرىپ, جاعدايدى رەتتەۋ مٷمكٸندٸگٸن تالقىلاپ جاتىر.
ايتا كەتەيٸك, كوميسسييا مەملەكەت باسشىسى قاسىم-جومارت توقاەۆتىڭ تاپسىرماسىمەن قۇرىلعان بولاتىن. بٷگٸن پرەمەر-مينيستر ورىنباسارى ەرالى توعجانوۆتىڭ تٶراعالىعىمەن وتىرىس ٶتٸپ, وعان پرەزيدەنت ەكٸمشٸلٸگٸنٸڭ, ەنەرگەتيكا مينيسترلٸگٸنٸڭ, بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ, جەرگٸلٸكتٸ اتقارۋشى ورگانداردىڭ, "قازمۇنايگاز" ۇك اق جەنە باسقا دا مٷددەلٸ تاراپتاردىڭ ٶكٸلدەرٸ قاتىستى.
ەسكە سالايىق, جاڭاٶزەن مەن اقتاۋدىڭ مىڭداعان تۇرعىنى جاڭا جىلدان كەيٸن باعاسى كٷرت شارىقتاپ كەتكەن سۇيىتىلعان گاز باعاسىن تٷسٸرۋدٸ تالاپ ەتٸپ, كٶشەگە شىققان بولاتىن. ولار جولداردى جاۋىپ تاستاعان.
قازاقستان پرەزيدەنتٸ قاسىم-جومارت توقاەۆ ٷكٸمەتكە تيٸستٸ تاپسىرما بەردٸ. ٶڭٸردەگٸ جانار-جاعارماي قۇيۋ بەكەتتەرٸنٸڭ قوجايىندارى ٶز باستاماسىمەن گاز ليترٸن 120 تەڭگەدەن 85-90 تەڭگەگە دەيٸن ارزانداتۋ تۋرالى شەشٸم شىعارعان.
