ۆيتسە-پرەمەر قانات بوزىمباەۆ باستاعان ٷكٸمەتتٸك كوميسسييا وقيعا ورنىندا جۇمىسىن جالعاستىرىپ جاتىر, دەپ حابارلايدى ult.kz.

ناقتىلانعان مەلٸمەت بويىنشا, وقۋ-جاتتىعۋ تاپسىرماسىن ورىنداۋ كەزٸندە اۋا رايىنىڭ كٷرت ناشارلاپ, تەڭٸزدەگٸ جەلدٸڭ كٷشەيۋٸنەن 17 ەسكەري قىزمەتشٸنٸ سۋ الىپ كەتكەن. ونىڭ 12-سٸ قازا تاۋىپ, ٷشەۋٸ قۇتقارىلدى. قازٸر تاعى ەكٸ ەسكەري قىزمەتشٸنٸ ٸزدەۋ جۇمىستارى جالعاسىپ جاتىر.

بوزىمباەۆ جوعالعانداردى ٷزدٸكسٸز ٸزدەۋدٸ جەنە قازا تاپقانداردىڭ وتباسىلارىنا قاجەتتٸ كٶمەك كٶرسەتۋدٸ تاپسىردى.

نە جاعداي بولدى?

الدىن الا مەلٸمەت بويىنشا, وقۋ-جاتتىعۋ كەزٸندە كاسپيي تەڭٸزٸنە 19 ەسكەري قىزمەتشٸ بارعان. قازٸرگٸ ۋاقىتتا ولاردىڭ ون ەكٸسۋ قازا تاپقانى بەلگٸلٸ بولدى. ٷش ەسكەري قىزمەتشٸ قۇتقارىلعان. ولاردىڭ بٸرەۋٸ اۋرۋحاناعا جاتقىزىلدى. قالعان ەسكەري قىزمەتشٸلەردٸ ٸزدەستٸرۋ جۇمىستارى جالعاسىپ جاتىر.

وقيعا ورنىنا قۇتقارۋ قىزمەتتەرٸنٸڭ كٷشتەرٸ مەن قۇرالدارى دەرەۋ جٸبەرٸلگەن. ٸزدەستٸرۋ-قۇتقارۋ جۇمىستارىنا ەسكەري-تەڭٸز كٷشتەرٸ مەن تٶتەنشە جاعدايلار مينيسترلٸگٸنٸڭ بٶلٸمشەلەرٸ, اۆياتسييا جەنە باسقا دا تيٸستٸ قىزمەتتەر جۇمىلدىرىلدى.

وقيعانىڭ سەبەپتەرٸن انىقتاۋ ٷشٸن ٷكٸمەتتٸك كوميسسييا قۇرىلدى. قازاقستان رەسپۋبليكاسى پرەمەر-مينيسترٸنٸڭ ٶكٸمٸمەن قۇرىلعان كوميسسيياعا پرەمەر-مينيستردٸڭ ورىنباسارى قانات بوزىمباەۆ جەتەكشٸلٸك ەتەدٸ.

كوميسسييا قۇرامىنا قورعانىس مينيسترٸ, ماڭعىستاۋ وبلىسىنىڭ ەكٸمٸ, ەڭبەك جەنە حالىقتى ەلەۋمەتتٸك قورعاۋ, تٶتەنشە جاعدايلار, دەنساۋلىق ساقتاۋ جەنە كٶلٸك مينيسترلٸكتەرٸنٸڭ باسشىلىعى, باس ەسكەري پروكۋرور جەنە شەكارا قىزمەتٸنٸڭ ٶكٸلدەرٸ كٸردٸ.

پرەمەر-مينيستر ولجاس بەكتەنوۆ كوميسسييا تٶراعاسى قانات بوزىمباەۆقا وقيعا ورنىنا شۇعىل بارىپ, ەسكەري قىزمەتشٸلەردٸڭ قازا بولۋ سەبەپتەرٸن انىقتاۋدى تاپسىردى.

سونىمەن قاتار كوميسسيياعا قازا تاپقان ەسكەري قىزمەتشٸلەردٸڭ وتباسىلارىنا قاجەتتٸ كٶمەك كٶرسەتۋ تاپسىرىلدى.

كەيٸن قازا تاپقان ەسكەري قىزمەتشٸلەردٸڭ اتى-جٶنٸ جارييالاندى. مەملەكەت باسشىسى قاسىم-جومارت توقاەۆ قازا بولعانداردىڭ وتباسىلارىنا كٶڭٸل ايتتى.