ماڭعىستاۋ وبلىسىندا ينۆەستورلار مەن كەسٸپكەرلەردٸڭ قۇقىقتارىن بۇزعان لاۋازىمدى تۇلعالار ەكٸمشٸلٸك جاۋاپكەرشٸلٸككە تارتىلىپ, ولارعا جالپى سوماسى 9,1 ملن تەڭگە ايىپپۇل سالىندى, دەپ حابارلايدى ult.kz.
تٷپقاراعان اۋدانىنىڭ پروكۋراتۋراسى ينۆەستورلاردىڭ قۇقىقتارىن قورعاۋ كوميتەتٸمەن بٸرلەسٸپ جٷرگٸزگەن تەكسەرۋ بارىسىندا كەسٸپكەرلەردٸ ينجەنەرلٸك جەلٸلەرگە قوسۋ كەزٸندە زاڭ تالاپتارىنىڭ بۇزىلعانى انىقتالدى.
تەكسەرۋ نەتيجەسٸندە 3 ينۆەستور مەن 16 كەسٸپكەردٸڭ قۇقىعى قورعالدى. بەلگٸلٸ بولعانداي, تابيعي مونوپولييا سۋبەكتٸلەرٸ ەلەكتر جەنە سۋمەن جابدىقتاۋ جەلٸلەرٸنە قوسىلۋعا تەحنيكالىق شارت بەرۋ كەزٸندە زاڭنامادا كٶزدەلمەگەن قۇجاتتاردى تالاپ ەتكەن.
سونىمەن قاتار, تەحنيكالىق شارت بەرۋدەن باس تارتۋ تۋرالى ۋەكٸلەتتٸ ورگاندارعا دەر كەزٸندە حابارلاماۋ جەنە ينۆەستورلار مەن كەسٸپكەرلەردٸڭ ٶتٸنٸشتەرٸن قاراۋ مەرزٸمدەرٸن بۇزۋ فاكتٸلەرٸ تٸركەلدٸ.
پروكۋرورلىق قاداعالاۋ اكتٸلەرٸ نەگٸزٸندە ەكٸ تابيعي مونوپولييا سۋبەكتٸسٸنە قاتىستى ەكٸمشٸلٸك قۇقىق بۇزۋشىلىق بويىنشا 16 ٸس قوزعالدى. نەتيجەسٸندە كٸنەلٸ لاۋازىمدى تۇلعالار جاۋاپقا تارتىلىپ, تاعايىندالعان ايىپپۇل تولىق كٶلەمدە ٶندٸرٸلدٸ.
پروكۋراتۋرا قابىلدانعان شارالار كەسٸپكەرلەرگە قويىلعان ەكٸمشٸلٸك كەدەرگٸلەردٸ جويۋعا, ينۆەستورلاردىڭ بۇزىلعان قۇقىقتارىن قالپىنا كەلتٸرۋگە جەنە ينجەنەرلٸك جەلٸلەرگە قوسۋ كەزٸندە زاڭ تالاپتارىنىڭ ساقتالۋىن قامتاماسىز ەتۋگە ىقپال ەتكەنٸن مەلٸمدەدٸ.
