ماڭعىستاۋ وبلىسىنىڭ جەتٸباي اۋىلىنداعى «جاۋقازىن» بالاباقشاسىندا تەربيەلەنۋشٸ كەڭسە پىشاعىنان جاراقات الدى. وقيعا 20 سەۋٸردە بولعانىمەن, ونىڭ بەينەجازباسى ەلەۋمەتتٸك جەلٸدە تاراعاننان كەيٸن جۇرتشىلىق نازارىنا ٸلٸكتٸ, دەپ حابارلايدى ult.kz.
وبلىستىق بٸلٸم باسقارماسىنىڭ مەلٸمەتٸنشە, تىنىعۋ ۋاقىتىندا بالاباقشا ديرەكتورىنىڭ ۇلى «كٶگەرشٸن» توبىنا كٸرٸپ, ۇيىقتاپ جاتقان بالالاردى وياتقان. سونىڭ سالدارىنان تەربيەلەنۋشٸلەردٸڭ بٸرٸ كەڭسە پىشاعىنان جاراقات العان.
وقيعا كەزٸندە توپ بٶلمەسٸندە تەربيەشٸ مەن ونىڭ كٶمەكشٸسٸ بولماعان. بەينەجازبا جارييالانعاننان كەيٸن بٸلٸم باسقارماسى تەكسەرۋ جٷرگٸزٸپ, كادرلاردا كٶرسەتٸلگەن جايتتىڭ راس ەكەنٸن راستادى.
تەكسەرۋ نەتيجەسٸندە توپ تەربيەشٸسٸنەن تٷسٸنٸكتەمە الىنىپ, انىقتالعان زاڭبۇزۋشىلىقتاردى جويۋ تۋرالى نۇسقاما بەرٸلدٸ. اۋداندىق بٸلٸم بٶلٸمٸنٸڭ 2026 جىلعى 13 مامىرداعى بۇيرىعىمەن بالاباقشا ديرەكتورىمەن ەڭبەك شارتى بۇزىلدى.
سونداي-اق مەكتەپكە دەيٸنگٸ ۇيىم ديرەكتورى مەن توپ تەربيەشٸسٸ ەكٸمشٸلٸك جاۋاپكەرشٸلٸككە تارتىلىپ, ولارعا ايىپپۇل سالىندى.
