ماڭعىستاۋ وبلىسى تٷپقاراعان اۋدانىنا قاراستى سايىن شاپاعاتوۆ اۋىلىنىڭ تۇرعىندارى بۇرالقى يتتەردٸڭ مال-جاندى قاۋىپ, تۇرعىنداردىڭ ٶمٸرٸنە قاۋٸپ تۋدىرىپ وتىرعانىنا شاعىمدانىپ, ەكٸمدٸكتٸڭ الدىنا جينالدى, دەپ حابارلايدى قازاقپارات.
«يتتەر بٸرنەشە ەشكٸمدٸ جەدٸ. مال ٷشٸن كەلٸپ تۇرعان جوقپىن. بۇلار ادامعا قاۋٸپ تۋدىرىپ وتىر. كٶرشٸ بالانى جاراقاتتادى. ادامدى تالاپ جاتىر. مىنا حالىقتىڭ جان ايقايىن كٸم ويلايدى?! يتتٸ جوق قىلۋ كەرەك. يت اتپايدى دەگەن – سۇمدىق. بۇل يتتەر ٷيدەن شىققان يتتەر ەمەس, كٶشەنٸڭ يتتەرٸ. قالادان ەكەلٸپ تٶگٸپ كەتٸپ وتىر. يتتٸ اتۋعا بۇرىن زاڭ بولدى عوي, سونى قايتىپ ەنگٸزسٸن», - دەدٸ اۋىل تۇرعىنى اسىلتاس قۋاتباەۆا.
قازٸر سايىن شاپاعاتوۆتا 700-دەن استام بۇرالقى يت جٷر. تۇرعىندار وقۋ جىلى باستالعانشا يتتەردٸ ازايتىپ, حالىقتىڭ قاۋٸپسٸزدٸگٸن قامتاماسىز ەتۋٸن تالاپ ەتٸپ وتىر.
«بٸزدە جاپا-تارماعاي بۇرىنعىداي كٶشەگە شىعىپ يت اۋلاۋ دەگەن جوق. 2022 جىلدىڭ ناۋرىز ايىنان باستاپ زاڭعا ٶزگەرٸس ەنگٸزٸلدٸ. بٸراق, تۇرعىنداردىڭ تالاپ, ارىز, ٶتٸنٸشتەرٸ بويىنشا يت اۋلاۋ جۇمىستارى جٷرٸپ جاتىر. بٸر اپتانىڭ شاماسىندا تۇرعىنداردان 30 شاعىم تٷستٸ. تٷپقاراعان اۋداندىق ۆەتەرينارييا ستانتسيياسى بٸزگە دەرٸ-دەرمەك بەرەدٸ. دەل قازٸر قولىمىزدا دەرٸ جوق. جۋىردا الىپ كەلەمٸز», - دەدٸ اۋىل ەكٸمٸ سايران قىلىش.
