ماڭعىستاۋ وبلىسىندا ويىن الاڭىنداعى قولدان جاسالعان ەتكەنشەكتە ويناپ جٷرگەن 12 جاستاعى بالا قايعىلى جاعدايدا كٶز جۇمدى. وقيعاعا بايلانىستى قىلمىستىق ٸس قوزعالىپ, تەرگەۋ باستالدى, دەپ حابارلايدى ult.kz.
ماڭعىستاۋ وبلىستىق پوليتسييا دەپارتامەنتٸنٸڭ مەلٸمەتٸنشە, 1 ماۋسىم كٷنٸ مۇنايلى اۋدانىنا قاراستى اتامەكەن اۋىلىنداعى ٷيلەردٸڭ بٸرٸنەن كەمەلەتكە تولماعان بالانىڭ قايتىس بولعانى تۋرالى حابارلاما تٷسكەن.
الدىن الا اقپارات بويىنشا, بالا اۋلادا ورناتىلعان قولدان جاسالعان ەتكەنشەكتە ويناپ جٷرگەن كەزدە جازاتايىم وقيعاعا ۇشىراپ, اۋىر جاراقات العان. ٶكٸنٸشكە قاراي, ونىڭ ٶمٸرٸن ساقتاپ قالۋ مٷمكٸن بولماعان.
«اتالعان فاكتٸ بويىنشا ادام ٶلٸمٸنە قاتىستى قىلمىستىق ٸس قوزعالدى. وقيعانىڭ بارلىق مەن-جايىن انىقتاۋعا باعىتتالعان تەرگەۋ ەرەكەتتەرٸ جٷرگٸزٸلۋدە», – دەپ حابارلادى پوليتسييا ٶكٸلدەرٸ.
تەرگەۋ مٷددەسٸنە بايلانىستى ٶزگە اقپارات ەزٸرگە جارييالانعان جوق.
ەسكە سالساق, بۇعان دەيٸن بالانىڭ دەنەسٸن اۋلادا جٷرگەن باسقا بٸر بالا بايقاپ, اتا-انالارىن شاقىرعانى حابارلانعان بولاتىن. وقيعا ورنىنا جەتكەن جەدەل جەردەم قىزمەتٸ جاسٶسپٸرٸمنٸڭ كٶز جۇمعانىن راستاعان. قايعىلى جاعد
