قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا اۋا-رايىنىڭ قولايسىزدىعىنا بايلانىستى جولدارداعى جاعداي قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٸشكٸ ٸستەر مينيسترٸ ە. تۇرعىمباەۆ وسى جىلدىڭ 16-22 جەلتوقسان ارالىعىندا ەلٸمٸزدە 104 جول-كٶلٸك وقيعاسى تٸركەلٸپ, سولاردىڭ سالدارىنان 39 ادام قازا تاۋىپ, 158 ادام تٷرلٸ دەنە جاراقاتتارىن العانىن ايتتى.
اۋا-رايى جاعدايلارى جولدارداعى جاعدايعا كەرٸ ەسەرٸن تيگٸزدٸ. تەمپەراتۋرانىڭ نٶل گرادۋسقا دەيٸن كٷرت كٶتەرٸلۋٸ جەنە سونىڭ سالدارىنان كٶكتايعاقتىڭ قالىپتاسۋى, سونىمەن قاتار جاڭبىر مەن قاردىڭ جاۋۋىنىڭ, تۇماننىڭ ەسەرٸنەن جولدىڭ كٶرٸنۋٸنٸڭ شەكتەلۋٸ — قالا سىرتىنداعى جولدارداعى اپاتتىلىقتىڭ ارتۋىنا ەكەلٸپ سوقتى.
ٶتكەن اپتادا پوليتسييا تٶتەنشە جاعدايلار بٶلٸمشەلەرٸمەن جەنە «قازاۆتوجول» ۇك» اق-مەن بٸرگە 11 وبلىستا رەسپۋبليكالىق جەنە جەرگٸلٸكتٸ ماڭىزى بار جولداردا كٶلٸك قۇرالدارىنىڭ قوزعالىسىن شەكتەدٸ.
جالپى ۇزىندىعى شامامەن 7,5 مىڭ شاقىرىم بولاتىن رەسپۋبليكالىق ماڭىزى بار جولداردىڭ 57 ۋچاسكەسٸ جابىلدى (7,272 كم).
ەڭ قيىن جاعداي شىعىس قازاقستان, اقتٶبە, جامبىل جەنە باتىس قازاقستان وبلىستارىندا بايقالدى.
ٸشكٸ ٸستەر ورگاندارى كوممۋنالدىق قىزمەتتەرمەن جەنە جەرگٸلٸكتٸ اتقارۋشى ورگاندارمەن بٸرلەسٸپ, كەپتەلٸستەردٸ جويۋ, جولداردى تازارتۋ, ينەرتتٸ ماتەريالداردى سەبۋ, ەۆاكۋاتسييالاۋ جەنە ازاماتتارعا شۇعىل كٶمەك كٶرسەتۋ شارالارىن ورىندادى.
شامامەن 1 مىڭ اۆتوماشينا كەپتەلٸستە قالعان, بارلىعى قار قۇرساۋىنان 120-دان استام اۆتوماشينا مەن 900-دەن استام ادام ەۆاكۋاتسييالاندى. ەۆاكۋاتسييالانعان ازاماتتار جاقىن ماڭداعى ەلدٸ مەكەندەردە ورنالاسقان جىلىتۋ پۋنكتتەرٸنە ورنالاستىرىلدى. ٶڭٸرلەردە ازاماتتارعا كٶمەك كٶرسەتۋ ٷشٸن جەدەل شتابتار قۇرىلدى.
ادامداردى قۇتقارۋعا تجك-نٸڭ 200-دەن استام قىزمەتكەرٸ مەن 300 پوليتسييا قىزمەتكەرٸ, 170 بٸرلٸك قۇتقارۋ تەحنيكاسى مەن پوليتسييا ماشينالارى, سونداي-اق جەرگٸلٸكتٸ اتقارۋشى ورگاندار مەن جول قىزمەتتەرٸنٸڭ ارنايى تەحنيكالارى تارتىلعان.
قازٸرگٸ ۋاقىتتا شىعىس قازاقستان, اتىراۋ, اقمولا, قوستاناي, قىزىلوردا, پاۆلودار, سولتٷستٸك قازاقستان جەنە تٷركٸستان وبلىستارىندا كٷردەلٸ جاعداي ساقتالۋدا.
«جٷرگٸزۋشٸلەر مەن جولاۋشىلاردىڭ قاۋٸپسٸزدٸگٸن قامتاماسىز ەتۋ - ٶتە ماڭىزدى مەسەلە. تاياۋ ۋاقىتتا, بولجام بويىنشا, الدا بوراندار بولىپ, اۋا تەمپەراتۋراسى تٶمەندەيدٸ. بارلىق قىزمەتتەر بۇعان دايىن بولۋى كەرەك», — دەدٸ ا. مامين.
ٷكٸمەت باسشىسى ٶڭٸرلەردٸڭ ەكٸمدٸكتەرٸنە جولداردا جىلىتۋ جەنە تاماقتاندىرۋ پۋنكتتەرٸن ۇيىمداستىرۋعا جەردەمدەسۋدٸ تاپسىردى.
«يندۋسترييا جەنە ينفراقۇرىلىمدىق دامۋ مينيسترلٸگٸنە جەنە قازاۆتوجولعا جولداردى قاردان جەنە مۇزدان تازارتۋعا تەحنيكانى بارىنشا تارتۋدى تاپسىرامىن. قر ٸٸم اۆتوتراسسالاردا كەزەكشٸلٸك پەن قاۋٸپسٸزدٸكتٸ قامتاماسىز ەتۋ جۇمىسىن جالعاستىرسىن», — دەدٸ ا. مامين.
