قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا «ەڭبەك» مەملەكەتتٸك باعدارلاماسىن ٸسكە اسىرۋ بارىسى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
پرەمەر-مينيستر دەرەگٸنشە, بارلىق مەملەكەتتٸك باعدارلامالاردى ٸسكە اسىرۋ اياسىندا بيىل جۇمىسپەن قامتۋ شارالارىمەن 1 ملن 220 مىڭ ادامدى قامتۋ جوسپارلانعان, ولاردىڭ ٸشٸندە 600 مىڭ ادامدى – «ەڭبەك» مەملەكەتتٸك باعدارلاماسى بويىنشا, 255 مىڭ ادامدى – «جۇمىسپەن قامتۋدىڭ جول كارتاسى – 2020» باعدارلاماسى بويىنشا, 364 مىڭ ادامدى – «نۇرلى جول», «تسيفرلىق قازاقستان», «نۇرلى جەر», بجك – 2020 جەنە ت. ب. مەملەكەتتٸك باعدارلامالار بويىنشا جۇمىسقا ورنالاستىرۋ كٶزدەلگەن.
«ەڭبەك» مەملەكەتتٸك باعدارلاماسى ستارتاپ جوبالاردى شاعىن نەسيەلەۋ, بيزنەستٸ كەڭەيتۋ, قوسىمشا ماماندىقتارعا وقىتۋ, ەلەۋمەتتٸك جۇمىس ورىندارىنا جۇمىسقا ورنالاستىرۋ, ەڭبەك كٷشٸ مول ايماقتاردان جۇمىس كٷشٸ تاپشى ٶڭٸرلەرگە كٶشٸرۋ جەنە ت. ب. شارالاردى قامتيدى. اتالعان ماقساتتارعا 176 ملرد تگ قاراستىرىلعان. جىل باسىنان بەرٸ باعدارلاماعا قاتىسۋعا 260 مىڭنان استام ادام ٶتٸنٸش بٸلدٸردٸ, ولاردىڭ 184 مىڭى – 70%-دان استامى — قازٸرگٸ ۋاقىتتا جۇمىسقا ورنالاستىرىلعان.
پرەمەر جۇمىسپەن قامتۋ, ەسٸرەسە, قازٸرگٸ ەكونوميكا مەن بيزنەستٸ قالپىنا كەلتٸرۋ جاعدايىندا باستى باسىمدىقتاردىڭ بٸرٸ ەكەنٸن اتاپ ٶتتٸ.
«بٸز كٷردەلٸ جاعدايدى باستان ٶتكەردٸك. ەكٸ اي بويى تٶتەنشە جاعداي مەن كارانتين رەجيمٸ ساقتالدى. كەسٸپورىندار مەن بيزنەس جۇمىس ٸستەمەدٸ. قازٸرگٸ تاڭدا ەكونوميكانى قالپىنا كەلتٸرۋ ٷدەرٸسٸ جٷرٸپ جاتىر. اتالعان جۇمىس اياسىندا داعدارىسقا قارسى شارالار توپتاماسى جەنە ەكونوميكانى جانداندىرۋعا, جۇمىس ورىندارىن ساقتاۋعا جەنە اشۋعا باعىتتالعان كەشەندٸ جوسپار قابىلداندى. بٸز ازاماتتاردى جۇمىسپەن, تۇراقتى تابىسپەن قامتاماسىز ەتۋگە, وسىلايشا ولاردىڭ ەل-اۋقاتىن جاقسارتۋعا تيٸسپٸز. سوندىقتان دا جۇمىسپەن قامتۋ مەسەلەسٸ بٸز ٷشٸن اسا ماڭىزدى», — دەدٸ ا. مامين.
ٷكٸمەت باسشىسى شىعىس قازاقستان, قوستاناي, جامبىل, پاۆلودار وبلىستارىندا جۇمىسپەن قامتۋدى قولداۋ شارالارىن ٸسكە اسىرۋ قارقىنى جاقسى ەكەنٸن اتاپ ٶتتٸ.
ونىڭ اتاپ ٶتۋٸنشە, شىمكەنت قالاسىنىڭ ەلەۋمەتتٸك جۇمىس ورىندارىنا جۇمىسقا ورنالاستىرۋ, قوعامدىق جۇمىستارعا جٸبەرۋ جەنە گرانت بەرۋ بويىنشا كٶرسەتكٸشتەرٸ كٶڭٸل كٶنشٸتپەيدٸ. سونداي-اق اقتٶبە وبلىسى بويىنشا گرانت بەرۋ دەڭگەيٸ ٶتە تٶمەن. ماڭعىستاۋ جەنە باتىس قازاقستان وبلىستارى شاعىن نەسيە بەرۋ بويىنشا ناشار جۇمىس جٷرگٸزۋدە. مۇنان بٶلەك باتىس قازاقستان وبلىسىندا ەلەۋمەتتٸك جۇمىس ورىندارىنا جۇمىسقا ورنالاستىرۋ جەنە جاستار پراكتيكاسى بويىنشا جۇمىستى ۇيىمداستىرۋ ەڭ تٶمەنگٸ دەڭگەيدە بولىپ وتىر.
«بۇل - ەكٸمدٸكتەردٸڭ جەتكٸلٸكسٸز جۇمىس ٸستەپ جاتقانىنىڭ كٶرٸنٸسٸ, وسى باعىتتار بويىنشا شۇعىل تٷردە شارالار قابىلداۋ قاجەت. جۇمىسپەن قامتۋدى قولداۋدىڭ بارلىق قۇرالدارى بار, ولاردى بەلسەندٸ قولدانۋ قاجەت. وسى مەسەلە بويىنشا بٸز تۇراقتى ەرٸ جٷيەلٸ باقىلاۋ جٷرگٸزەتٸن بولامىز. جارتى جىلدىڭ قورىتىندىسى بويىنشا جۇمىسپەن قامتۋ مەسەلەسٸ مەملەكەت باسشىسىنىڭ تٶراعالىعىمەن ٶتەتٸن ٷكٸمەتتٸڭ كەڭەيتٸلگەن وتىرىسىندا قارالادى», — دەدٸ ا. مامين.
پرەمەر-مينيستر بارلىق مەملەكەتتٸك باعدارلامالار بويىنشا جۇمىسپەن قامتۋدى جانداندىرۋدىڭ ناقتى شارالارىن قابىلداۋدى تاپسىردى.
جيىن بارىسىندا ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ, قوستاناي وبلىسىنىڭ ەكٸمٸ ارحيمەد مۇحامبەتوۆ, قىزىلوردا وبلىسىنىڭ ەكٸمٸ گٷلشارا ەبدٸقالىقوۆا, ماڭعىستاۋ وبلىسىنىڭ ەكٸمٸ سەرٸكباي ترۇموۆ, شىمكەنت قالاسىنىڭ ەكٸمٸ مۇرات ەيتەنوۆ بايانداما جاسادى.
