قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا قر تۇڭعىش پرەزيدەنتٸ نۇرسۇلتان نازارباەۆتىڭ العاشقى مەديتسينالىق-سانيتارييالىق كٶمەك كٶرسەتۋدٸڭ قولجەتٸمدٸلٸگٸ مەن ساپاسىن جاقسارتۋ جٶنٸندەگٸ تاپسىرمالارىن ورىنداۋ بارىسى قارالدى, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
پرەمەر-مينيستر دەنساۋلىق ساقتاۋ مينيسترٸ ە. بٸرتانوۆ پەن بٸرقاتار ٶڭٸر ەكٸمدەرٸنٸڭ باياندامالارىن تىڭداعاننان كەيٸن, قر ٷكٸمەتٸنٸڭ الدىندا حالىققا مەديتسينالىق كٶمەكتٸڭ قولجەتٸمدٸلٸگٸن قامتاماسىز ەتۋ جەنە ونىڭ ساپاسىن جاقسارتۋ — ورتاق مٸندەتٸ تۇرعانىن اتاپ ٶتتٸ.
«بۇل قازاقستاندىقتاردىڭ دەنساۋلىعىن جاقسارتىپ, ٶمٸر سٷرۋ ۇزاقتىعى مەن ساپاسىن ارتتىرادى. وسى رەتتە حالىقتىڭ العاشقى مەديتسينالىق كٶمەككە قولجەتٸمدٸلٸگٸ مەسەلەسٸ اسا ماڭىزدى مەسەلە», — دەپ ا. مامين, اتالعان جٷيەدەگٸ پروبلەمالاردى – العاشقى بۋىن دەرٸگەرلەرٸنٸڭ جٷكتەمەسٸنٸڭ اۋىر ەكەنٸن جەنە مامان تاپشىلىعى بار ەكەنٸن اتاپ ٶتتٸ.
ٷكٸمەت «اۋىل – ەل بەسٸگٸ» جوباسى اياسىندا جاڭا ەلەۋمەتتٸك ستاندارتتاردى ەنگٸزٸپ, اۋىلدىق جەرلەردە دەنساۋلىق ساقتاۋ ۇيىمدارىنىڭ قۇرىلىسى بويىنشا ٶڭٸرلٸك ستاندارتتار جٷيەسٸن ەزٸرلەۋدە.
ٷكٸمەت باسشىسى مٸندەتتەردٸ ٸسكە اسىرۋ ماقساتىندا دەنساۋلىق ساقتاۋ مينيسترلٸگٸنە جەنە ٶڭٸرلەردٸڭ ەكٸمدٸكتەرٸنە كەلەسٸ باعىتتار بويىنشا جۇمىستى ۇيىمداستىرۋدى تاپسىردى.
بٸرٸنشٸدەن, جاڭا العاشقى مەديتسينالىق-سانيتارييالىق كٶمەك نىساندارىن اشۋ ارقىلى جالپى پراكتيكا دەرٸگەرلەرٸنٸڭ جٷكتەمەسٸن ازايتۋدى قامتاماسىز ەتۋ. سونىمەن قاتار, بۇل نىساندار قاجەتتٸ مەديتسينالىق قۇرالدارمەن جاراقتاندىرىلۋى قاجەت.
قاراعاندى وبلىسىنداعى كٶكتاس اۋىلى جەنە جامبىل وبلىسىنداعى گرودەكوۆو اۋىلىندا تيٸمدٸ جٷزەگە اسىرىلعان جوبالار اتاپ ٶتٸلدٸ. پرەمەر-مينيستردٸڭ ايتۋىنشا, ەندٸ وسى وڭ تەجٸريبە باسقا دا ٶڭٸرلەردە قولدانىلۋى كەرەك.
ەكٸنشٸدەن, جاس مامانداردىڭ اۋىلداردا تۇراقتى جۇمىس ٸستەپ, ەلدٸ مەكەندەردە قالۋىن قامتاماسىز ەتۋ ماقساتىندا ەلەۋمەتتٸك قولداۋ كٶرسەتۋ مەسەلەلەرٸن پىسىقتاۋ قاجەت.
مىسال رەتٸندە سولتٷستٸك قازاقستان جەنە تٷركٸستان وبلىستارىندا جاس ماماندارعا جوعارى كٶتەرمە اقى تٶلەۋ, ال باتىس قازاقستان جەنە قاراعاندى وبلىستارىندا تۇرعىن ٷيمەن قامتاماسىز ەتۋ جۇمىسى ۇيىمداستىرىلعانى اتالىپ ٶتتٸ. پرەمەر-مينيستر وسىنداي باستامالارعا اسا كٶڭٸل بٶلۋ كەرەك ەكەنٸن ايتتى.
ٷشٸنشٸدەن, ەلباسىنىڭ تاپسىرماسىن تيٸمدٸ ورىنداۋ ماقساتىندا دەنساۋلىق ساقتاۋ مينيسترلٸگٸنٸڭ العاشقى مەديتسينالىق-سانيتارييالىق كٶمەكتٸ دامىتۋ بويىنشا ٸس-شارالار جوسپارىن ٷكٸمەت دەڭگەيٸنە كٶتەرۋ كەرەك. دەنساۋلىق ساقتاۋ مينيسترلٸگٸنە بٸر اي مەرزٸمدە ٸس-شارالاردىڭ جانداندىرىلعان جوسپارىن ەكٸمدٸكتەرمەن پىسىقتاپ, ونى بەكٸتۋ ٷشٸن پرەمەر-مينيستر كەڭسەسٸنە ەنگٸزۋ تاپسىرىلدى.
