قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا جۇمىسپەن قامتۋدى قولداۋ شارالارىن ٸسكە اسىرۋ بارىسى قارالدى, دەپ حابارلايدى primeminister.kz سايتى.
بيىل «ەڭبەك» مەملەكەتتٸك باعدارلاماسىنىڭ, جۇمىسپەن قامتۋدىڭ جول كارتاسىنىڭ جەنە باسقا دا سالالىق باعدارلامالار اياسىندا جۇمىسپەن قامتۋ شارالارى 743 مىڭ ادامدى قامتىدى. جىلدىڭ سوڭىنا دەيٸن 1 ملن 220 مىڭ ادامعا قولداۋ كٶرسەتٸلەدٸ. مەملەكەت باسشىسىنىڭ تاپسىرماسىمەن جۇمىسپەن قامتۋدىڭ جول كارتاسى اياسىندا تۇراقتى جۇمىس ورىندارىن قۇرۋعا جەنە ٶڭٸرلەردٸڭ ەلەۋمەتتٸك ينفراقۇرىلىمىن جاقسارتۋعا باسا نازار اۋدارىلىپ, ينفراقۇرىلىمدىق جوبالاردىڭ تٸزبەسٸ وڭتايلاندىرىلدى. وسى جوبالار (6 702 جوبا) اياقتالعان سوڭ, ارالاس سالالاردا قوسىمشا 100 مىڭنان استام تۇراقتى جۇمىس ورىندارى قۇرىلادى.
پرەمەر-مينيستر شىمكەنت قالاسىندا, جامبىل, سولتٷستٸك قازاقستان جەنە شىعىس قازاقستان وبلىستارىندا جۇمىسپەن قامتۋدى قولداۋ شارالارىن ٸسكە اسىرۋدىڭ جوعارى قارقىنىن اتاپ ٶتتٸ. ورتاشا كٶرسەتكٸشتەر قاراعاندى, اقمولا, تٷركٸستان, اقتٶبە, قوستاناي, ماڭعىستاۋ, الماتى, پاۆلودار, اتىراۋ وبلىستارىندا, نۇر-Cۇلتان جەنە الماتى قالالارىندا بايقالادى.
سونىمەن قاتار جەكەلەگەن كٶرسەتكٸشتەر بويىنشا ەكٸ ٶڭٸر ارتتا قالىپ وتىر: قىزىلوردا وبلىسىندا — مەملەكەتتٸك گرانتتار بەرۋ 47,5%, قوعامدىق جۇمىس – 50,1%, جوبالارعا بٶلٸنگەن قارجىنى يگەرۋ – 56,2% جەنە جۇمىس ورىندارى قۇرۋ – 44,4%. باتىس قازاقستان وبلىسىندا — ميكروكرەديت بەرۋ بويىنشا تەك 28,6%, جاستار تەجٸريبەسٸ – 37,7%, جوبالارعا بٶلٸنگەن قارجىنى يگەرۋ – 58,9% جەنە تۇراقتى جۇمىس ورىندارىن قۇرۋ بويىنشا 25,8% دەڭگەيٸندە.
«جىل سوڭىنا دەيٸن تٶرت اي عانا قالدى. ەكٸمدٸكتەر باعدارلامالاردى ٸسكە اسىرۋ جۇمىستارىن جانداندىرۋى قاجەت. قازٸرگٸ جاعدايدا بٸرٸنشٸ كەزەكتەگٸ مٸندەت – بۇل ازاماتتاردى جۇمىسپەن قامتاماسىز ەتۋ. قاجەتتٸ رەسۋرستار بٶلٸنگەن, بارلىق قۇرالدار بار, ەڭبەك نارىعىندا تەڭگەرٸمسٸزدٸكتەردٸڭ پايدا بولۋىنا جول بەرمەۋ كەرەك», — دەدٸ ا. مامين.
ٷكٸمەت باسشىسى مەملەكەتتٸك باعدارلامالاردا قاراستىرىلعان ٸس-شارالاردى جٷزەگە اسىرۋدى, سونداي-اق ەلەكتروندىق ەڭبەك بيرجاسىنىڭ بيزنەس-پروتسەستەرٸن وڭتايلاندىرۋ, جۇمىسپەن قامتۋ شارالارىمەن پرواكتيۆتٸ قامتۋدى دامىتۋ جەنە ولاردى ٸسكە اسىرۋ مونيتورينگٸن كٷشەيتۋ جٶنٸندە شارالار قابىلداۋدى تاپسىردى.
ەكٸمدٸكتەرگە ەربٸر جۇمىسسىز ادامنىڭ پروفايلىن قۇرۋ جەنە ونىمەن جۇمىسپەن قامتۋعا جەردەمدەسۋ بويىنشا اتاۋلى جۇمىس جٷرگٸزۋ تاپسىرىلدى. جۇمىسپەن قامتۋدىڭ جوسپارلانعان ينديكاتورلارىنا قول جەتكٸزٸپ, تۇراقتى جۇمىس ورىندارىن قۇرۋعا ەرەكشە نازار اۋدارۋ قاجەت.
ۇلتتىق ەكونوميكا, اۋىل شارۋاشىلىعى مينيسترلٸكتەرٸنە «اتامەكەن» ۇكپ جەنە ەكٸمدٸكتەرمەن بٸرلەسٸپ, بيزنەس باستامالاردى دامىتۋ جەنە قولداۋ بويىنشا جۇمىستى جانداندىرۋ تاپسىرىلدى.
جيىندا ەڭبەك جەنە حالىقتى ەلەۋمەتتٸك قورعاۋ مينيسترٸ ب. نۇرىمبەتوۆ, شىعىس قازاقستان وبلىسىنىڭ ەكٸمٸ د. احمەتوۆ, جامبىل وبلىسىنىڭ ەكٸمٸ ب. ساپارباەۆ, شىمكەنت قالاسىنىڭ ەكٸمٸ م. ەيتەنوۆ, سولتٷستٸك قازاقستان وبلىسىنىڭ ەكٸمٸ ق. اقساقالوۆ, باتىس قازاقستان وبلىسىنىڭ ەكٸمٸ ع. ەسقاليەۆ بايانداما جاسادى.
