قر پرەمەر-مينيسترٸ اسقار مامين ەلدەگٸ ەپيداحۋالدى تۇراقتاندىرۋ بويىنشا ٷكٸمەت الدىندا تۇرعان باستى مٸندەتتٸ اتادى, دەپ حابارلايدى قازاقپارات.
«جالپى ەپيدەميولوگييالىق جاعداي بٸرقالىپتى. ٶڭٸرلەردٸڭ بەرٸندە دە ۆيرۋس جۇقتىرۋ دەڭگەيٸ بٸرشاما تٶمەندەدٸ, اۋىر ناۋقاستار مەن ستاتسيوناردا, امبۋلاتورييادا ەمدەلٸپ جٷرگەندەر سانى ازايدى.
دەگەنمەن, 6 ٶڭٸر ەلٸ دە «قىزىل ايماقتا». بۇل – الماتى جەنە نۇر-سۇلتان قالالارى مەن اقمولا, قوستاناي, پاۆلودار جەنە سولتٷستٸك قازاقستان وبلىستارى. قازٸر بٸزدٸڭ الدىمىزداعى مٸندەت – 60% ۇجىمدىق يممۋنيتەتكە قول جەتكٸزۋ», - دەدٸ ول ٷكٸمەت وتىرىسىندا.
ٷكٸمەت باسشىسى ۆيرۋسقا قارسى ەكپەنٸڭ بٸرٸنشٸ كومپونەنتٸن 8 ميلليوننان استام ادامنىڭ, ەكٸنشٸ كومپونەنتٸن 7,2 ميلليونعا جۋىق ادام العانىن ەسكە سالدى.
«سونىمەن قاتار, قازٸرگٸ ۋاقىتتا تۇماۋعا قارسى ەگۋ ناۋقانى جٷرۋدە. 1,4 ملن ادام تۇماۋعا قارسى ەكپە الدى. جالپى, ەكپە ناۋقانى بويىنشا جۇمىستى جالعاستىرۋ قاجەت», - دەپ تٷيٸندەدٸ اسقار مامين.
