QR Premer-Ministri Asqar Mamin eldegi epidahýaldy turaqtandyrý boiynsha Úkimet aldynda turǵan basty mindetti atady, dep habarlaidy QazAqparat.
«Jalpy epidemiologiialyq jaǵdai birqalypty. Óńirlerdiń bárinde de virýs juqtyrý deńgeii birshama tómendedi, aýyr naýqastar men statsionarda, ambýlatoriiada emdelip júrgender sany azaidy.
Degenmen, 6 óńir áli de «qyzyl aimaqta». Bul – Almaty jáne Nur-Sultan qalalary men Aqmola, Qostanai, Pavlodar jáne Soltústik Qazaqstan oblystary. Qazir bizdiń aldymyzdaǵy mindet – 60% ujymdyq immýnitetke qol jetkizý», - dedi ol Úkimet otyrysynda.
Úkimet basshysy virýsqa qarsy ekpeniń birinshi komponentin 8 millionnan astam adamnyń, ekinshi komponentin 7,2 millionǵa jýyq adam alǵanyn eske saldy.
«Sonymen qatar, qazirgi ýaqytta tumaýǵa qarsy egý naýqany júrýde. 1,4 mln adam tumaýǵa qarsy ekpe aldy. Jalpy, ekpe naýqany boiynsha jumysty jalǵastyrý qajet», - dep túiindedi Asqar Mamin.
