قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا ٸشكٸ نارىقتى وتاندىق ازىق-تٷلٸكپەن مولىقتىرۋ مەسەلەلەرٸ قارالدى.
اتالعان باعىتتا اتقارىلىپ جاتقان جۇمىستار تۋرالى اۋىل شارۋاشىلىعى مينيسترٸ س. وماروۆ, ەكولوگييا, گەولوگييا جەنە تابيعي رەسۋرستار مينيسترٸ م. مىرزاعاليەۆ, ساۋدا جەنە ينتەگراتسييا مينيسترٸ ب. سۇلتانوۆ, سولتٷستٸك قازاقستان وبلىسىنىڭ ەكٸمٸ ق. اقساقالوۆ, جامبىل وبلىسىنىڭ ەكٸمٸ ب. ساپارباەۆ, اقمولا وبلىسىنىڭ ەكٸمٸ ە. مارجىقپاەۆ, الماتى وبلىسىنىڭ ەكٸمٸ ا. باتالوۆ باياندادى, دەپ حابارلايدى primeminister.kz سايتى.
ٷكٸمەت باسشىسى اۋىل شارۋاشىلىعىنىڭ بارلىق قىزمەتكەرلەرٸنە پاندەمييا جاعدايىندا كٶكتەمگٸ ەگٸس جەنە ەگٸن جيناۋ جۇمىستارىن ۋاقىتىلى ەرٸ ساپالى جٷرگٸزگەنٸ ٷشٸن العىس بٸلدٸردٸ, بۇل ٶتكەن جىلعىدان جوعارى ٶنٸم جيناۋعا مٷمكٸندٸك بەردٸ.
بۇۇ ازىق-تٷلٸك جەنە اۋىل شارۋاشىلىعى ۇيىمىنىڭ (FAO) بولجامدارى بويىنشا قازاقستان اقش, اۆسترالييا, برازيلييا جەنە ارگەنتينامەن قاتار ەلەمدٸك ازىق-تٷلٸك حابتارىنىڭ بٸرٸنە اينالۋ ٷشٸن ٷلكەن ەلەۋەتكە يە.
مەملەكەت تاراپىنان اٶك-تٸ قولداۋدىڭ بارلىق قاجەتتٸ شارالارى كٶرسەتٸلەدٸ, سۋبسيدييالار بەرٸلەدٸ (16 باعىت بويىنشا سۋبسيدييالاردىڭ 47 تٷرٸ), جەڭٸلدٸكپەن نەسيە بەرۋ جەنە سالىق پرەفەرەنتسييالارى كٶزدەلگەن. 2020 جىلدىڭ 8 ايىندا قابىلدانعان شارالاردىڭ نەتيجەسٸندە ازىق-تٷلٸك ٶنٸمدەرٸ ٶندٸرٸسٸنٸڭ نەگٸزگٸ كاپيتالىنا سالىنعان ينۆەستيتسييالار ٶتكەن جىلدىڭ سەيكەس كەزەڭٸمەن سالىستىرعاندا 25,4%-عا 54,7 ملرد تەڭگەگە دەيٸن ۇلعايدى.
قازاقستان ٸشكٸ ٶندٸرٸس ەسەبٸنەن تۇتىنىلاتىن 29 نەگٸزگٸ ازىق-تٷلٸك تاۋارلارىنىڭ 23-ٸن — جەمٸس-كٶكٶنٸس, جارما, ۇن, ەت ٶنٸمدەرٸ جەنە باسقا دا ٶنٸمدەرمەن قامتاماسىز ەتەدٸ. ٶنٸمنٸڭ قالعان 6 تٷرٸ (الما, بالىق, شۇجىق ٶنٸمدەرٸ, ٸرٸمشٸك جەنە سٷزبە, قانت جەنە قۇس ەتٸ) بويىنشا ٶندٸرٸستٸ ۇلعايتۋ ٷشٸن 2024 جىلعا قاراي جاڭا قۇس فابريكالارىن, ەت كومبيناتتارىن, سٷت, قانت زاۋىتتارىن اشۋ جەنە الما باقتارىنىڭ الاڭدارىن ۇلعايتۋ جوسپارلانعان. بۇل قر-نى وتاندىق ٶندٸرٸستٸڭ نەگٸزگٸ ازىق-تٷلٸگٸمەن تولىق قامتاماسىز ەتۋگە مٷمكٸندٸك بەرەدٸ.
قۇرىلاتىن ۇلتتىق تاۋار ٶتكٸزۋ جٷيەسٸ ٶندٸرٸلەتٸن اۋىل شارۋاشىلىعى ٶنٸمٸن ساقتاۋ جاعدايلارىن جاقسارتۋعا, ونىڭ ٶندٸرٸسٸ مەن ماۋسىمارالىق كەزەڭدە نارىقتاعى كٶلەمٸن ۇلعايتۋعا, سونداي-اق ەكسپورتتى ەدەۋٸر ارتتىرۋعا جول اشادى.
اۋىل شارۋاشىلىعى مينيسترلٸگٸ ۇسىنعان نارىقتى وتاندىق ازىق-تٷلٸك تاۋارلارىمەن مولىقتىرۋ جٶنٸندەگٸ 2025 جىلعا دەيٸنگٸ كەشەندٸ جوسپارعا سەيكەس 5 ترلن-نان استام تەڭگە ينۆەستيتسييا تارتا وتىرىپ, 380 ينۆەستيتسييالىق جوبا ٸسكە اسىرىلاتىن بولادى, بۇل ازىق-تٷلٸك تاۋارلارىنىڭ باسىم تٷرلەرٸ — ەت, بالىق, جەمٸستەر مەن كٶكٶنٸستەر, قانت, دەندٸ, مايلى داقىلدار, سٷت ٶنٸمدەرٸ بويىنشا 7 ەكوجٷيەنٸ قالىپتاستىرۋعا مٷمكٸندٸك بەرەدٸ.
«ٸشكٸ نارىقتى وتاندىق ازىق-تٷلٸكپەن مولايتۋ – ٷكٸمەتتٸڭ ستراتەگييالىق مٸندەتٸ», — دەپ ا. مامين, قر اشم-گە بٸر اي ٸشٸندە نارىقتى وتاندىق ازىق-تٷلٸك تاۋارلارىمەن مولىقتىرۋ جٶنٸندەگٸ كەشەندٸ جوسپاردى قابىلداۋدى تاپسىردى.
اۋىل شارۋاشىلىعى مينيسترلٸگٸنە ەكولوگييا, ۇلتتىق ەكونوميكا, قارجى مينيسترلٸكتەرٸمەن بٸرلەسٸپ, ٸشكٸ نارىقتا جەتٸسپەيتٸن ٶنٸمدەر ٶندٸرٸسٸن مەملەكەتتٸك قولداۋ جەنە ىنتالاندىرۋ شارالارىن كەڭەيتۋ مەسەلەلەرٸن پىسىقتاۋ, بۇل رەتتە بالىق شارۋاشىلىعى سالاسىن دامىتۋ جوسپارلارىن ەسكەرۋ تاپسىرىلدى.
ٶڭٸرلەردٸڭ ەكٸمدەرٸنە اٶك-تە جوسپارلانعان جوبالاردىڭ ٸسكە اسىرىلۋىن جەكە باقىلاۋعا الۋ جەنە قاجەتتٸ ينجەنەرلٸك ينفراقۇرىلىمداردى جٷرگٸزۋدٸ قامتاماسىز ەتۋ, سونداي-اق ينۆەستورلارمەن شيكٸزاتتان باستاپ ەكسپورتقا دەيٸنگٸ بٷكٸل تٸزبەك بويىنشا بارلىق مەسەلەلەردٸ پىسىقتاۋ تاپسىرىلدى.
سونداي-اق پرەمەر-مينيستر قاجەتتٸ لوگيستيكانى قامتاماسىز ەتۋ جەنە وتاندىق اۋىل شارۋاشىلىعى ٶنٸمدەرٸن ٸشكٸ جەنە سىرتقى نارىقتاردا ٶتكٸزۋدٸ ٸلگەرٸلەتۋ جٶنٸندەگٸ شارالاردى قابىلداۋدى تاپسىردى.
