QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda ishki naryqty otandyq azyq-túlikpen molyqtyrý máseleleri qaraldy.
Atalǵan baǵytta atqarylyp jatqan jumystar týraly aýyl sharýashylyǵy ministri S. Omarov, ekologiia, geologiia jáne tabiǵi resýrstar ministri M. Myrzaǵaliev, saýda jáne integratsiia ministri B. Sultanov, Soltústik Qazaqstan oblysynyń ákimi Q. Aqsaqalov, Jambyl oblysynyń ákimi B. Saparbaev, Aqmola oblysynyń ákimi E. Marjyqpaev, Almaty oblysynyń ákimi A. Batalov baiandady, dep habarlaidy primeminister.kz saity.
Úkimet basshysy aýyl sharýashylyǵynyń barlyq qyzmetkerlerine pandemiia jaǵdaiynda kóktemgi egis jáne egin jinaý jumystaryn ýaqytyly ári sapaly júrgizgeni úshin alǵys bildirdi, bul ótken jylǵydan joǵary ónim jinaýǵa múmkindik berdi.
BUU Azyq-túlik jáne aýyl sharýashylyǵy uiymynyń (FAO) boljamdary boiynsha Qazaqstan AQSh, Avstraliia, Braziliia jáne Argentinamen qatar álemdik azyq-túlik habtarynyń birine ainalý úshin úlken áleýetke ie.
Memleket tarapynan AÓK-ti qoldaýdyń barlyq qajetti sharalary kórsetiledi, sýbsidiialar beriledi (16 baǵyt boiynsha sýbsidiialardyń 47 túri), jeńildikpen nesie berý jáne salyq preferentsiialary kózdelgen. 2020 jyldyń 8 aiynda qabyldanǵan sharalardyń nátijesinde azyq-túlik ónimderi óndirisiniń negizgi kapitalyna salynǵan investitsiialar ótken jyldyń sáikes kezeńimen salystyrǵanda 25,4%-ǵa 54,7 mlrd teńgege deiin ulǵaidy.
Qazaqstan ishki óndiris esebinen tutynylatyn 29 negizgi azyq-túlik taýarlarynyń 23-in — jemis-kókónis, jarma, un, et ónimderi jáne basqa da ónimdermen qamtamasyz etedi. Ónimniń qalǵan 6 túri (alma, balyq, shujyq ónimderi, irimshik jáne súzbe, qant jáne qus eti) boiynsha óndiristi ulǵaitý úshin 2024 jylǵa qarai jańa qus fabrikalaryn, et kombinattaryn, sút, qant zaýyttaryn ashý jáne alma baqtarynyń alańdaryn ulǵaitý josparlanǵan. Bul QR-ny otandyq óndiristiń negizgi azyq-túligimen tolyq qamtamasyz etýge múmkindik beredi.
Qurylatyn Ulttyq taýar ótkizý júiesi óndiriletin aýyl sharýashylyǵy ónimin saqtaý jaǵdailaryn jaqsartýǵa, onyń óndirisi men maýsymaralyq kezeńde naryqtaǵy kólemin ulǵaitýǵa, sondai-aq eksportty edáýir arttyrýǵa jol ashady.
Aýyl sharýashylyǵy ministrligi usynǵan Naryqty otandyq azyq-túlik taýarlarymen molyqtyrý jónindegi 2025 jylǵa deiingi keshendi josparǵa sáikes 5 trln-nan astam teńge investitsiia tarta otyryp, 380 investitsiialyq joba iske asyrylatyn bolady, bul azyq-túlik taýarlarynyń basym túrleri — et, balyq, jemister men kókónister, qant, dándi, maily daqyldar, sút ónimderi boiynsha 7 ekojúieni qalyptastyrýǵa múmkindik beredi.
«Ishki naryqty otandyq azyq-túlikpen molaitý – Úkimettiń strategiialyq mindeti», — dep A. Mamin, QR AShM-ge bir ai ishinde Naryqty otandyq azyq-túlik taýarlarymen molyqtyrý jónindegi keshendi jospardy qabyldaýdy tapsyrdy.
Aýyl sharýashylyǵy ministrligine ekologiia, ulttyq ekonomika, qarjy ministrlikterimen birlesip, ishki naryqta jetispeitin ónimder óndirisin memlekettik qoldaý jáne yntalandyrý sharalaryn keńeitý máselelerin pysyqtaý, bul rette balyq sharýashylyǵy salasyn damytý josparlaryn eskerý tapsyryldy.
Óńirlerdiń ákimderine AÓK-te josparlanǵan jobalardyń iske asyrylýyn jeke baqylaýǵa alý jáne qajetti injenerlik infraqurylymdardy júrgizýdi qamtamasyz etý, sondai-aq investorlarmen shikizattan bastap eksportqa deiingi búkil tizbek boiynsha barlyq máselelerdi pysyqtaý tapsyryldy.
Sondai-aq Premer-Ministr qajetti logistikany qamtamasyz etý jáne otandyq aýyl sharýashylyǵy ónimderin ishki jáne syrtqy naryqtarda ótkizýdi ilgeriletý jónindegi sharalardy qabyldaýdy tapsyrdy.
