حالىقتى تۇماۋعا قارسى ۆاكتسيناتسييالاۋدى جانداندىرۋ قاجەت. بۇل تۋرالى ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«جالپى ەپيدەميولوگييالىق جاعداي جاقسارىپ كەلەدٸ. بارلىق ٶڭٸرلەردە ۆيرۋس جۇقتىرۋ دەڭگەيٸ بٸرشاما ازايدى. دەگەنمەن, «قىزىل» ايماقتا الماتى جەنە نۇر-سۇلتان قالالارى مەن قاراعاندى, پاۆلودار جەنە اقمولا وبلىستارى قالىپ وتىر. سوندىقتان ەپيدەميولوگييالىق جاعدايدى باقىلاۋدا ۇستاۋ, ۆاكتسيناتسييالاۋدى جالعاستىرۋ قاجەت», - دەدٸ اسقار مامين.
ٷكٸمەت باسشىسىنىڭ دەرەگٸنشە, قازٸرگٸ ۋاقىتتا بٸرٸنشٸ كومپونەنت 7,5 ملن استام ادامعا, ەكٸنشٸ كومپونەنت 6,4 ملن. ادامعا سالىندى.
«سونىمەن بٸرگە تۇماۋ مەن باسقا دا رەسپيراتورلىق ينفەكتسييالار بويىنشا پروفيلاكتيكالىق جەنە ەپيدەميياعا قارسى ٸس-شارا قولدانۋ قاجەت. تۇماۋعا قارسى ۆاكتسيناتسييالاۋ ٷشٸن 2,5 ملن دوزا ۆاكتسينا ەكەلٸندٸ. حالىقتى تۇماۋعا قارسى ۆاكتسيناتسييالاۋدى جانداندىرىپ, مەديتسينا ۇيىمدارىنىڭ تۇماۋ جۇقتىرعان ناۋقاستاردى قابىلداۋعا ەزٸرلٸگٸن قامتاماسىز ەتۋ قاجەت», - دەگەن پرەمەر-مينيستر جالپى باقىلاۋدى ورىنباسارى ەرالى توعجانوۆقا جٷكتەدٸ.
