Halyqty tumaýǵa qarsy vaktsinatsiialaýdy jandandyrý qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Jalpy epidemiologiialyq jaǵdai jaqsaryp keledi. Barlyq óńirlerde virýs juqtyrý deńgeii birshama azaidy. Degenmen, «Qyzyl» aimaqta Almaty jáne Nur-Sultan qalalary men Qaraǵandy, Pavlodar jáne Aqmola oblystary qalyp otyr. Sondyqtan epidemiologiialyq jaǵdaidy baqylaýda ustaý, vaktsinatsiialaýdy jalǵastyrý qajet», - dedi Asqar Mamin.
Úkimet basshysynyń dereginshe, qazirgi ýaqytta birinshi komponent 7,5 mln astam adamǵa, ekinshi komponent 6,4 mln. adamǵa salyndy.
«Sonymen birge tumaý men basqa da respiratorlyq infektsiialar boiynsha profilaktikalyq jáne epidemiiaǵa qarsy is-shara qoldaný qajet. Tumaýǵa qarsy vaktsinatsiialaý úshin 2,5 mln doza vaktsina ákelindi. Halyqty tumaýǵa qarsy vaktsinatsiialaýdy jandandyryp, meditsina uiymdarynyń tumaý juqtyrǵan naýqastardy qabyldaýǵa ázirligin qamtamasyz etý qajet», - degen Premer-Ministr jalpy baqylaýdy orynbasary Eraly Toǵjanovqa júktedi.
