بەلسەندٸ ج.ماماي مەن ي.يمانباەۆاعا قاتىستى اتقارۋشىلىق ٸس جٷرگٸزۋ قوزعالدى جەنە مەجبٷرلەپ ورىنداتۋ بويىنشا شارالار قابىلدانا باستادى. بۇل تۋرالى باۋىرجان بايبەكتٸڭ زاڭگەرٸ ايجان تاشەنوۆا ٶزٸنٸڭ فەيسبۋكتەگٸ پاراقشاسىندا جازدى.
«26 تامىزدا بٸزدٸڭ ۇسىنىسىمىز بويىنشا جەكە سوت ورىنداۋشىسى جاۋاپكەرلەردٸڭ شوتتارى مەن مٷلكٸنە اۋىرتپالىق سالدى, ولارعا بەلگٸلٸ بٸر (نوتاريالدىق) ٸس-ەرەكەتتەر جاساۋعا تىيىم سالىندى. جاۋاپكەر قاراجات جيناۋ ٷشٸن ۇسىنعان «Kaspi»-دەگٸ مامايدىڭ جەكە شوتىنا دا شەكتەۋ قويىلدى. ج.ماماي مەن ي.يمانباەۆانىڭ شوتتارىنان سوت شىعىندارىن ٶتەۋ ەسەبٸنە 170 895 تەڭگە تۇتاستاي مەجبٷرلەپ الىندى. جاۋاپكەرلەردٸڭ شوتتارىنا كەلٸپ تٷسەتٸن بارلىق اقشا ب.بايبەكتٸڭ تالاپ-ارىزى بويىنشا بەرەشەكتٸ ٶتەۋگە عانا جۇمسالاتىن بولادى», - دەپ جازدى ول.
بۇعان قوسا زاڭگەر جاۋاپكەرلەردٸڭ اقشامەن باسقا ەشقانداي ەرەكەت جاساي المايتىن جەتكٸزدٸ.
«ب.بايبەكتٸڭ ٶتٸنٸشٸ بويىنشا سوت ورىنداۋشىسى ج.ماماي مەن ي.يمانباەۆادان الىنعان بارلىق اقشانى اۋتيزمٸ بار بالالاردى قولداۋ ٷشٸن بٸردەن «بولاشاق» كورپوراتيۆتٸك قورىنىڭ شوتىنا تٸكەلەي اۋدارادى. قايتالاپ ايتامىن, بۇل ەرٸكتٸ تٷردە ەمەس, مەجبٷرلەۋ ارقىلى, زاڭدا بەلگٸلەنگەن رەسٸمدەر اياسىندا جاسالىنىپ جاتىر. وسىلايشا ب.بايبەكتٸڭ ج.ماماي مەن ي.يمانباەۆاعا قاتىستى تالاپ ارىزى بويىنشا سوت شىعىندارىن ٶتەۋ بٶلٸگٸندەگٸ سوت شەشٸمٸنٸڭ ورىندالۋى قارقىندى تٷردە جٷرۋدە», - دەلٸنگەن تاشەنوۆانىڭ جازباسىندا.
سونداي-اق بايبەكتٸڭ زاڭگەرٸ سوت شەشٸمٸ جاۋاپكەرلەردٸڭ قانداي دا بٸر قۋلىقتارى مەن مەلٸمدەمەلەرٸنە قاراماستان, تولىق كٶلەمدە ورىندالاتىن بولاتىنىن ەسكەرتتٸ. بۇل ٷشٸن زاڭدا جان-جاقتى شارالار كٶزدەلگەن.
