الماتى قالالىق تٶتەنشە جاعدايلار دەپارتامەنتٸ جاڭا جىل مەيرامى قارساڭىندا ٶرت قاۋٸپسٸزدٸگٸن قاتاڭ ساقتاۋعا شاقىردى, دەپ حابارلايدى "ۇلت اقپارات".
«تۇرعىندار پيروتەحنيكالىق بۇيىمداردى تەك رۇقسات ەتٸلگەن جەرلەردە, سەرتيفيكاتى بار ساتۋشىلاردان عانا ساتىپ الۋى تيٸس. ساتىپ العاندا بۇيىمنىڭ قاپتاماسى بٷتٸن تيٸس بولۋى كەرەك. بۇل زاتتاردى قولدانعان كەزدە بالالار قاشىقتا تۇرۋى كەرەك. ادامدار كەم دەگەندە 50 مەتر راديۋستا قاشىقتا تۇرۋى شارت. قاتتى جەل سوعىپ تۇرعان كەزدە ساليۋت اتپاعان دۇرىس. اتىلماي قالعان جاعدايدا قاسىنا بارىپ ٷڭٸلۋدٸڭ قاجەتتٸلٸگٸ جوق. پەتاردا مەن فەيەرۆەركتەردٸ ادامداردىڭ اياق استىنا لاقتىرماعان ابزال», - دەدٸ تجد ماماندارى.
رەسمي دەرەكتەرگە سەنسەك, جىل سايىن جاڭا جىل قارساڭىندا 10-15 ٶرت تۇتانادى.
تٸلسٸز جاۋدىڭ 30 پايىزى پيروتەحنيكالىق بۇيىمداردى دۇرىس قولدانباۋدان بولادى.
مەسەلەن, 2020 جىلى 13 ٶرت بولعان. ونىڭ 5-ەۋٸ پەتاردالاردىڭ جارىلۋىنان بولدى. 2019 جىلى 31 جەلتوقساندا ەۋەزوۆ اۋدانىنداعى كٶپپەتەرلٸ ٷيدٸڭ 9 قاباتىندا بالكوندا بۇيىمدار ٶرتەندٸ. كٶشەدەگٸ ادامداردىڭ اتقان پەتارداسى قاپتالماعان بالكونعا تٷسكەن.
بىلتىر پيروتەحنيكالىق بۇيىمداردى ابايسىز قولدانعان 4 ادام, ونىڭ ٸشٸندە 3 بالا مەن 1 ەرەسەك ادام كٶزٸ كٷيٸك شالىپ اۋرۋحاناعا تٷسكەن.
